Hiouwɔɔ Lachioo Tosaa o Wali Pollo Niŋ—Kindiŋ Ma Mala Wanaa Ŋ Ke Bandu Mɛŋgɛlaa a “Tiondoo!” Lɔɔlɔɔ Wa Ma Tosa Hiouwɔɔ Lachioo

Le yɛɛ Hei Bɛnda Yɛ? Wanaa bɔɔbɔɔ chɛl le Baabuiyo pɛɛkoo a naa le, kɛ a yeema nuaa o yaula naalaŋ niŋ. Naapum a hini kɔl a kaŋnde nda leŋ ɔɔ ma yiyaŋ maa a nɔ teleŋ le pɛɛku le. Kɛ mɛɛ nda nua o yaula naalaŋ niŋ fau, lende koni yeemɛi bii nda ni le Diom Mɛlɛkaa sinaa. (Pitɛ Tasoo 2:2) Buŋgɛi pum wa o yaula naalaŋ niŋ mi i pilaŋ wana nɔ yeemɛiyo kɔllo ɔɔ naapum mi i soo a bahawɛi cho wana koŋ paaliaŋndo wo. Lambaŋndo nda kɔlaŋ yilɔɔ ma chua teleŋ biŋgi a nda ke nda kɔl dɛɛniaa tau nduyɛ koŋ mala naa miŋ sina nyɛ cho yeemɛi ndɛi a buulaŋ ndaa wo. Naapum o hei tosaa niŋ, a kandu pɛɛku Baabuiyo a nda.

Vɛɛ Ŋ Tosa yɛ Hei:

Tofa teleŋndo ipaŋgu o ipaŋgu fee ma you wana ŋ ke Bandu Mɛŋgɛlaa a “Tiondoo!” lɔɔlɔɔ wo la sɛnɛila fula laŋ. Naapum a kua ndu yilɔɔ a teleŋ cheleŋ o paŋgii keŋ niŋ le mbo chɔɔlu yeemɛi nɔ le nuaa buŋgɛi o yaula ŋ mel ndu laŋ niŋ ɔɔ le ndu yau naŋ cho yɔŋgoo o paŋgii keŋ niŋndo kioo. Poonyiaa teleŋ ŋ tosa wo a yau ŋ ke ndu wo o yauwo choo. Tofa Yau Wali Naa leMasaa Tɛɛkpaa 2014, peele 3.
Teleŋ o teleŋ a wa pɛ kɔlaŋ o ndu lo, bɛɛndiaŋ nyɛkɛndɛi. O wa ko le ndu kɔlaŋ yaulaŋ mello ma miiŋguŋ te, kɛ tosa mi la suukaŋ nya ndu. Tosa vɛlɛ a sabu mi chaŋyɛi kɛndɛi wa nya tɛɛŋ nya ndu le mi yeemɛi o chɔmnde hiou lachi.
Tofa nɛilaŋ le pɛɛku Baabuiyo kandɔɔ a ndu. Te o yɔŋ pɛ mi wana ŋ ke Bandu Mɛŋgɛlaa a “Tiondoo!” lɔɔlɔɔ wo nyuna num a nyɛ Baabuiyo dimi a suɛi pum okɔɔ wo, chuu ndu yau naŋ pɛɛku waŋnda Baabuiyo mi muli nyuna koŋ wa leniŋndo, mi la yaasiaa latulu. Tuupa ma kuɛŋnuŋ, mel ndu nyunaa te a hiŋ pɛ teleŋ cheleŋ la suukaŋ lechoo. Te a wa pɛ suukaŋndo a waŋndo lɔɔlɔɔ o yɔŋ bɛɛ le teleŋ biŋgi kɛ ma wa Baabuiyo soliŋndo kpeku ɔɔ yaula naŋ pɛɛku waŋnda Baabuiyo laŋ o pilɛ, mɛɛ pɛɛku Baabuiyo ŋ cho koŋ tosaa ni. A ke niŋ pa waŋndo Yooŋgu Kɛndɛ Chɛŋ O Mɛlɛka Lo Wo! ma chɔm ndu mɛɛ naŋ tosa pɛɛku Baabuiyo yɛ? A chɔm ndu niŋ pa vidueilaŋ ndaŋ, Le yɛɛ ŋ Pɛɛku yɛ Baabuiyo? a Vɛɛ Naŋ Pɛɛku yɛ Baabuiyo a Waŋnda? Mi waŋndo ndoo chɛl bɛɛ le pɛɛkoo paandu le, sɔɔŋ pum yɔŋnuŋ ndu mbo siŋga kɔl ndɔɔ. O bɛnda vɛlɛ ma kindiŋ le waŋndo hoo malaa le?

Kindiŋ Ma Tosa Hei o Paŋgei Hei Niŋ:

Poonyiaa diola wanaa ŋ yeema ma wa Bandu Mɛŋgɛlaa a “Tiondoo!” kioo lɔɔlɔɔ wa o yauwo choo. Ke nda la laŋga fula laŋ nduyɛ ma dimul nda maa a cho nda vɛlɛ la cheleŋ chuu te la fula dɔɔ pɛ.