Nyɛ Ŋ Nɔ le Tosaa Wo

Bandu Mɛŋgɛlaa Yindimiiyo 1

“Ŋ hiŋ o nyalo chokobi le nya tɛɛsiallo kɛɛ sinalapɛŋgu wanaa bɔɔbɔɔ nɔ a Baabuiyo okɔɔ wo. Wanaa bɔɔbɔɔ ke Baabuiyo bɛɛleŋ, kɛ a yiyaŋ maa o kendu bɔɔ bila biyɔɔ. Vɛɛ num yiyaŋ yɛ a Baabuiyo okɔɔ? [Chum mbo muli.] Tofawɔ saboo opilɛ le nyɛ o bɛnda miŋ nɔ yeemɛi le Baabuiyo bila biyɔɔ wo. [Nuawɔ Luomaŋnda 15:​4.] Yauwo hoo tɛɛsiaa mɛɛ naŋ looku sina maa Baabuiyo wa o poonyiaŋ le miŋ bii ndu bila yɛ. O chɔm vɛlɛ sɔɔŋ ŋpum le miŋ bii Baabuiyo bila.”

Awake! Yindimiiyo

“Ŋ hiŋ o nyalo chobe le suukaŋndo a nyɛ mala yuŋgulaŋndo okɔɔ. Wana o wana yeema kɔlnyuloo a diompilɔɔ o yuŋgoo niŋ. Kɛ yɛɛ kpeekpei ŋ yiyaŋ yɛ maa o bɛnda le yuŋgulaŋ, kindiŋndo le diomnda hiŋaŋndaŋ kpakpalaa ɔɔ nɛilaŋ nuuviaa le diomnda hiŋaŋndaŋ toosiaa o lebɛɛ niŋ? [Chum mbo muli.] Tofawɔ tale dimiŋ hoo o Baabuiyo niŋndo. [Nuawɔ Pulɔwaa 26:​20.] Yauwo hoo chɔm silala Baabuilaŋ lapum, le yuŋgulaŋ malaa ma wa o kɔlnyuloo niŋ tau o yuŋgu ndaa niŋ.”