Nyɛ ŋ Nɔ le Tosaa Wo

Bandu Mɛŋgɛlaa Saa 1

“Ŋ cho wana o wana fee cho o tandaa hoo niŋ yau kɛndɔɔ hoo chɔmndo. [Chɔm ndu yauwo kɔɔ.] Wanaa bɔɔbɔɔ yiyaŋ maa teleŋ tɛɛmbaa koni piɛileŋ le cho ni, kanifuule wana o wana cho nila yaŋɔɔ le. Apum laalaŋ maa Mɛlɛka yaŋ piɛile ndaleŋ nilaŋ. Vɛɛ num yiyaŋ yɛ? [Chum mbo muli.] Tofawɔ nyɛ Baabuiyo dimi a piɛileŋ okɔɔ wo. [Nuawɔ Aisaya 30:19.] Yauwo hoo chɔm kpendekele maa Mɛlɛka yaŋ piɛileŋ nilaŋ nduyɛ o tiuba mbo muli piɛile cho le chɛlaŋ a sabu ndɔɔ wo.”

Awake! Saa

“Ŋ cho keiyo chaaŋaa naa yilɔɔ chobe kanifuule, wanaa bɔɔbɔɔ cho a kɔndɔfillo le sabu Mɛlɛka chɛl mi nyɛpalaa wa wo. A yiyaŋ pa maa suɛi wɔɔŋnde icho ni le Mɛlɛka nyunaa a sɔɔŋ waa naa okɔɔ? [Chum mbo muli.] Mi buɛi laalaŋ Mɛlɛkaa Choobu bɛɛ ndoo tuu le Mɛlɛka nyunaa. [Nuawɔ Choobu 23:​3-5.] Yauwo hoo nɔ nyunalaŋ layaa la wanaa bɔɔbɔɔ yeema Mɛlɛka nyunaa laŋ te o yɔŋ pɛ ma sɔla fondaŋ le suukaŋndo a ndu, vɛlɛ a mulila kɔl dɛɛniaa Baabuiyo ke naa laŋ.”