NYƐM TƆƆMAŊ O DIOM MƐLƐKAA NIŊ | AISAYA 58-62
‘Yonda Wɔsi Mɛlɛka Yaawɛɛ Cho Waŋnda Kɛndɛi Tosal Lo’
‘Wɔsi Mɛlɛka Yaawɛɛ cho waŋnda kɛndɛi tosal lo’ o cho wɔsi kpeekpei le
O cho suɛi a boondii Chɛhowa ke wanaa tusiaŋnda dikeŋnaŋndo le ma chɛl yooŋgu ndɔ chuu nda baŋaa wo
O wɔsiŋ kɛmɛ tasoŋ niŋ, mi wɔsi Mɛlɛka Yaawɛɛ tosal waŋnda kɛndɛi ve kanduŋ a teleŋ Chiisu kandu wali pollo tosaa o wɔsi 29 C.E. niŋndo, nduyɛ mbo lo tei ‘paale Chɛhowa miŋgul yaamɔɔwaa nduaa maa leŋ.’ Koŋ cho ni, teleŋ Chulusɛlɛm sɔla tambei o wɔsi 70 C.E. niŋndo
O teleŋ naa niŋ, wɔsi Mɛlɛka Yaawɛɛ tosal waŋnda kɛndɛi ve kanduŋ a teleŋ Chiisu simnuŋ masaa o choo choo niŋ o wɔsi 1914 niŋndo, nduyɛ o cho mɛɛlu a teleŋ nyɛpalaa bɛndoo
Chɛhowa dɔu wanaa nduaa sala a ‘yɔmii bɛndui cho sakpo ve’
Yɔmii hiou bandu o chieeŋndo choo ve i bɔɔbɔɔ latulu i hindu o bundɔɔ niŋ ni, mi i wa maaliaŋndo vellaa velle
Yɔmndo puunduŋ ndɔŋ bɛndoŋ mala ndu ni mbo sim nyɛkɛndɛ yi nduyɛ miŋ tosa ndu hueiyii bɛnduei bɛɛ nɔla ndu malɔɔ le
Yɔmii bandu tau ve ke yɔmii pɔmbuɛi cho lebɛŋgu ve wunduaŋ, nduyɛ pei nduɛi wa delioo ve tosa mi puuloo wa nyɛkɛndɛi
Waŋnda o kunda leKilisiɔŋndo niŋ chieeŋndo balɔɔ silɔ cho tɔnɔɔ sɔlaa vɛlɛ a mandaa ‘yɔmii bɛndui cho sakpo ve’ o ba. Yɔmii keŋ cho Kilisiɔŋaa pɔyaŋaa cho wɔ lɛŋ naŋnda ni