Soliŋ Yaula Baabuiyo Kpeku Nyɛkɛndɛi

Mi Chiisu dimul buɛiyaa nduaa aa, “Fondo Mɛlɛka ke nya kpaayaa hoo ni. Lelaŋ, . . . la bii nda nyɛ o nyɛ o ba sɔŋgɔ koŋ te.” (Mat 10:8) Silaa hoo naŋ cho tolɔɔ kɔɔli ni a mɛɛ naŋ kilul waŋnda baa le Baabuiyo ɔɔ yaula naalaŋ te yɛ. (2Kɔl 2:17) Kɛ o wa bɛɛ lende, yaulaŋ ndaŋ la nɔ tonya kpeekpeiyo fulaa o Diom Mɛlɛkaa niŋ. Wallo kalaŋ tosaŋ ni vɛlɛ a nyɛsɔlaa pisioo le yaulaŋ ndaŋ toosiaa a laŋ yɔŋndo o kundalaŋ niŋ chieeŋndo balɔɔ silɔ. Lelaŋ, la naŋ hau ba laŋ kinɛi naŋ nɔ ni miŋ chua.

Soliŋ sinapɛŋgoo kpeku te a wa pɛ waŋnda yaulaŋ ndaŋ yɔŋgoo, o yɔŋ bɛɛ ma wa yooŋgu kɛndɔɔ dimioo naa waŋnda hiau tau wa. (Mat 7:6) Yɔŋi ŋ ke wanaa cho hiouwɔŋndo wa yaulaŋ le kioo leŋ, kindiŋ ma suukaŋ fɛŋ a nda le sinaa te a nɔ pɛ yeemɛi. A tiu pa ba ma muli aa, ei o yɔŋ bɛɛ nyunaa opilɛ o nyunala cho o kɔfoo niŋndaŋ? Te a nɔla ma sina yeemɛi waŋndo le, o bɛnda ma ke ndu yau pɔmbɔɔ. Kɛ te o nyuna pɛ le Bandu Mɛŋgɛlaa a “Tiondoo!” ɔɔ yau cheleŋ, o bɛnda miŋ ke ndu.—Pulɔ 3:27, 28