Kaa Kɛndɔɔ Vɛlɛ a Bɛɛle Yiŋgoloŋndeŋ Siŋga Waŋndo Kɔllo

Kaa kɛndɛ laanduaa Kilisiɔŋnda chɔmndo mala teleŋnda bɔɔbɔɔ le mi piaanduaa ndaa chua tonyaa. Kɛ, lepum mɛɛ ma biuŋ nyɛkindilaa le wɔsiŋ bɔɔbɔɔ. (1Pitɛ 2:​21-23; 3:​1, 2) Te a cho pɛ saŋgaa le kafala nda cho num tosallo laŋ, mɛɛ hiou lachi a dɛnɛ kɛndɔɔ tosaa le dɛnɛ wɔɔŋndo yomɔɔ. (Luom 12:​21) Taamasi kɛndɛ ŋ cho kɛsioo wo nɔ fulamakɔɔli kɛndɔɔ mbo hiau nyɛ ŋ dimi wo.

Kindiŋ ma che sɔɔŋ mɛɛ wana nya chal o nɔɔ niŋndo cha sɔɔŋ yɛ. (Fil 2:​3, 4) Chɔm kaa inyiɛɛyo, nduyɛ ma kindiŋ o nɛi o nɛi niŋ le kalaŋnda numndaŋ chuaa maa lanɔ. Wa wana nila yaŋaa kɛndɛ. (Chemi 1:​19) Chɔm kaa biuwaŋndo, nduyɛ ma chɔm wana nya chal o nɔɔ niŋndo mɛɛ ŋ kaala ndu yɛ. O yɔŋ bɛɛ mi wana nya chal o nɔɔ niŋndo chɔm num kɛndɛi a bɛɛle ŋ chɔm ndu leŋ kposoŋ te, wa a kɔl kɛndɛ le sinaa maa Chɛhowa che tiindaŋ numndo nyɛ sɔvɛ.​—1Pitɛ 2:​19, 20.

TOFA VIDUEIYO HOO, MI CHƐHOWA LUEI NAA YOOMUAŊ LE MIŊ BIUŊ NYƐKINDILAA OKOŊ, MI LA MULI NYUNALAŊ NDAŊ:

• Vɛɛ yoomoo wa yɛ le Grace Li mɛɛ o chal nɔɔ sɛnɛi?

• Yɛɛ pilaŋ yɛ ndu kɔllo mbo chua tonyaa?

• Vɛɛ yema Li biunuŋ yɛ o nyɛkindilaa bɛŋgu mɛɛ o sɔla yiŋɔɔ?

• A yɛɛ okɔɔ yema Li ndoo piɛi yɛ le pɔnɔ ndɔ?

• Salala kuɛɛ yema Li cho yɛ niŋ tueiyɔɔ yeela le mɛɛ o chɔm kaa kɛndɔɔ a bɛɛle yiŋgoloŋndeŋ yɛ?