Hiouwɔɔ Lachioo Tosaa O Wali Pollo Niŋ​—Wanaa Sumɛiya Yooŋgu Kɛndɔɔ Dimullo

LE YƐƐ HEI BƐNDA YƐ: Wanaa sumɛiyaa bɔɔbɔɔ, a ve fɛɛsɛŋ le suɛi a wanaa nda sina le wa le. Lelaŋ, mɛɛ miŋ nɔ taasioo le nda yooŋgu kɛndɔɔ dimullo. Chɛhowa buulaŋ le wanaa sumɛiya. (Lɛvi 19:​14) Ŋ tual taamasi Chɛhowaa kɔɔli le wanaa sumɛiya malaa ma pɛɛku a ndu okɔɔ.

VƐƐ Ŋ TOSA YƐ HEI:

• “Nuuviaa” wanaa sumɛiya. (Mat 10:​11) A sina pa wana nɔ wana sumɛiyo o yuŋgu ndɔɔ niŋndo? Baa sukuuwo, ɔɔ naa nda manda wanaa sumɛiya wa, te koŋ te fondaŋnda cheleŋ la cho pa o tanda numndo niŋ, ma yeema yaula cho le wanaa sumɛiya laŋ?

• Chɔm maa a buulaŋ a nda. Te a wa pɛ wana ichaŋya nduyɛ ma chɔm maa a buulaŋ le nda, keŋ tosa ma wa fɛɛsɛŋ le suɛi o numndo. Soo o ndalo a sɔɔŋ tosa ma nɔ yeemɛi yoŋ okɔɔ

• Mala nda ma sina Chɛhowa. Kɔɔna Chɛhowaa soli yaula yɛ yɛlaŋ a nyɛm mapuuloŋ le wanaa sumɛiya malaa. Nyuna wana sumɛi kɛ kɛ mbo chɔm num mɛɛ o yeema ma pɛɛku ndu yɛ. Wana cho wali pollo chilaŋ o kundaa niŋndo nɔ mbo tosa a sabu le mi wana cho o fondaŋ layauwo wo nyuna le yaula bɛnda le wana sumɛi kɛ kɛ wo