Sɔɔŋ Ŋgaa Mala Naa le Chɛhowa Tiindaŋndo Woŋ

Mi Deeve yam Koolaya le mɛɛ ndoo tiindaŋ Chɛhowa yɛ. (1Sa 17:​45) Mi Chɛhowa chɔm kpaaya ndɔɔ le buɛiyaa nduaa mala. (2Ko 16:​9) Ŋ nɔ miŋ tiindaŋ mala Chɛhowa ke naa wo, kɛ o cho yoomuma naŋ ɔɔ taasi naa le. Vɛɛ naŋ tosa yɛ keŋ? Nuawɔ sɔɔŋ ŋgaa naŋ nɔ miŋ tosa woŋ:

• Piɛi teleŋ o teleŋ. Ŋ nɔ ko miŋ piɛi le malɔɔ hakioo te ŋ bendu pɛ le. Kɛ ŋ nɔ vɛlɛ miŋ piɛi te tɔɔndaŋndo komal naa pɛ. (Mat 6:​12, 13) Piɛileŋ le nɔ ko mi le wa le mi Chɛhowa dɔu kɛɛsiaala naŋ chii niŋ tosalaŋ sala le. Kɛ ŋ nɔ miŋ piɛi le mi Chɛhowa ke naa taasioo a nɛi chɔmaa tuupa miŋ tosa kɛɛsiaalaŋ.—Che 1:​5

• Wa pɛɛkoo a diomndaŋ veeloo o Baabuiyo niŋ lepaa o lepaa. Veelu diomndaŋ o Baabuiyo niŋ lepaa o lepaa. (Sam 1:​2) Yiyaŋ yiŋgoloŋ o tamaseliila Baabuiyo choo, nduyɛ ma dɔu nyɛ ŋ pɛɛku wo o wali niŋ. (Che 1:​23-25) Bɛɛndiaŋ fɛlɛŋ tuupa ma kuɛi o wali pollo niŋ, okoŋ ma mal tiindaŋndo dɔwɔɔ o nyɛ ŋ sina wo niŋ. Bɛɛndiaŋ fɛlɛŋ nyɛkɛndɛi le bɔŋaŋnda naalaŋ le ma sɔla tɔnɔɔ leniŋ.

• Tol kɛɛsiaa cho o kɔɔna Chɛhowaa niŋndo kɔɔli. Kindiŋ ma sina nɛila chɔmaala sɛnɛila kɔɔna Chɛhowaa yɔŋgu laŋ. Nduyɛ ma keleŋa laŋ dɔwɔɔ o wali niŋ. (Nɔ 9:​17) Yaŋ bɛnduaa kundaa nilaŋ te a ke num pɛ silaa a nɛi chɔmaa.—Hib 13:​17

LA TOFA VIDUEIYO HOO, SABU O SABU CHO MIŊ WO TƆƆNDAŊNDO LE OKOŊ MI LA MULI NYUNALAŊ NDAŊ:

• Siooŋii yɛ puaapiliaa a ndepiliaa ndaa nɔ yɛ?

• Yɛɛ mala yɛ nda ma mal siooŋnde?