Kpele Hɛnɛkɛ Sɛnɛiyo o Lɛŋndeŋ Choo

NUAWƆ yɔmii vilɛiye hei a filawɛila kɛndɛlaŋ ndaŋ. Nuawɔ vɛlɛ pembuŋ filioŋndoŋ muŋ. Fonda kɛndɔɔ pila o cho ni, nɛɛ? Nuawɔ kiallo nyɛdiaa dio poombɔɔ hoo o ba. Tofawɔ kpɔkuŋnda vɛlɛa suaa isisi o dɛŋmgbɔɔ niŋ nda. Vɛ, a yeema ma nɔ chiɛiyo o fonda waa naa le?

Mɛlɛka yeema num ma wa achal lefafɛɛŋ o kpele hɛnɛkiɔɔ niŋ o lɛŋndeŋ choo. Nduyɛ, kɔltambɛi a nyɛ nɛiyaa cho hau waŋnda choo wo, o yeema niŋ ma sɔla o kɛ kɛ le. Le wanaa wa niŋ o kpele hɛnɛkɛ sɛnɛiyo niŋnda, mi Baabuiyo mɛi lediom aa: ‘Mɛlɛka wa niŋ a nda latulu. Piɔm ve lɛ niŋ te, kɛlɛŋgaa mi wana chaŋ, kɛlɛŋgaa mi nyɛ nɛiyaa wa. Kanifuule, nyɛ o nyɛ paandu chuu faŋaŋ.’

Chiisu cho tosa a sabu mi siŋgaŋ ndaŋ la yɔŋnuŋ. A sina teleŋ hei cho yɔŋnɔŋndo? Teleŋ o chii niŋ dɛnɛwɔɔŋndo vɛlɛa wanaa yɔŋ wɔɔŋnda o chieeŋndo choo wo. Loonuŋ maa teleŋ Chiisu wa o chieeŋndo hoo choo wo, mbo siŋgi wanaa ndaa nɔ naala suu o suu wa kpou. Mbo miŋgi vɛlɛ waŋvilɛiya yoomu. Chiisu tosa hei le chɔmndo maa te o huŋ wa pɛ masaa o masale Mɛlɛkaleŋ niŋ, o tosa niŋ hei o lɛŋndeŋ choo kpou.

Yiyaŋndɔ mɛɛ kpele hɛnɛkiɔɔ wa niŋ o kɛndɛ o chieeŋndo choo yɛ. Chiisu nda wanaa o hɛli wa cho wa masaa o choo choo niŋ. Wanaa wa niŋ o lɛŋndeŋ choo wa kinɛi, masaa haa cho nda wa hɔlteŋ choo. Nduyɛ, a cho tosa a sabu mi wana o wana fee wa a nyaale. Te ŋ yeema pɛ mi Mɛlɛka ke naa yoomu fafɛɛŋndo o kpele hɛnɛkiɔɔ niŋ, mɛɛ ŋ nuaŋnuŋndɔ nyɛ naŋ nɔ miŋ tosa wo.