Baa nyɛpalaa chuu niŋ pa?

YƐƐ BAABUIYO NDU DIMI YƐ?

“Mɛlɛka . . . cho nda mamɛmɛ o mamɛmɛ wɔɔsuu o hɔl fo. Wana o wana vi lɛ le. wana o wana ve lɛ a kɔl tambɛi le, kɛlɛŋgaa mi wana chaŋ, kɛlɛŋgaa mi nyɛ nɛiyaa wa, kani fuule, nyɛ o nyɛ paandu chuu faŋaŋ.”​—Sɔɔŋ Chɔɔmaŋndoŋ 21:3, 4.

VƐƐ HEI MALA YƐ NUM?

A sɔla kɔl dɛɛniaa maa o cho Mɛlɛka le tuisi naa nyɛpalaa choo le.​—Chemisi 1:13.

Ŋ sɔla kɔl dɛɛniaa maa Mɛlɛka buulaŋ tau a nyɛpalaa cho naa choo wo.​—Sɛkalaya 2:8, Yau Mɛlɛkaa.

Ŋ nɔ tiindaŋndo maa nyɛpalaa kpou cho chuwɔɔ suŋ.​—Sam 37:9-11.

LE YƐƐ KPEEKPEI NAŊ NƆ YƐ MIŊ LAALAŊ NYƐ BAABUIYO DIMI WO?

Ŋ nɔ miŋ laalaŋ nyɛ Baabuiyo dimi wo le sabulaŋ la tiɔɔŋ:

• Mɛlɛka tul nyɛpalaa a kafalaŋ leyɛ. Mɛɛ waŋnda wa sindɛ Isɔluɛitiiya nyɛpalaa tuisioo choo, mi i tɛɛmbuu Chɛhowa kɔllo tau. Baabuiyo dimi maa mi Chɛhowa tambu kɔl tau a “wanaa wa wanaa nduaa bɛpɛlaa wa.”—Wanaa Kialaa Ŋyamaa 2:​18, New World Translation.

  Mɛlɛka kuisiŋ wanaa tuisi chaaŋaa ndaa nyɛpalaa choo wa o kɔl. Le tamaseliiyo, Baabuiyo dimi maa “wanaa tosal chaaŋaa ndaa sɔɔŋ wɔɔŋndoŋ nda, Mɛlɛka kuisiŋ nda o kɔl.”—Talelaŋ 6:​16, 17, NW.

• Mɛlɛka buulaŋ le naa a pilɛŋ pilɛŋnda kpou. O cho naa pila koni le sina a kpundɛla naalaŋ okɔɔ le, kɛ “Chɛhowa bɛɛ sina.”—Koloniko Diiŋ Ndɔɔ 6:​29, 30, NW.

  O Masale ndɔleŋ bɛŋgu, o cho hunɔɔ wana o wana fee nyɛpalaa faŋa choo. (Maatiu 6:​9, 10) Kɛ le suŋ suŋ ndɔ, o cho wanaa cho ndu nuuviaa a kɔl ndaa kpou wa kɔltaŋ dɛɛniaa.​—Walta Wanaa Chiisuaa 17:​27; Kɔliŋtiaŋ Diiŋ Ndɔɔ 1:3, 4.