Yɛɛnɛ cho yɛ Masale Mɛlɛkaleŋ?

YƐƐ BAABUIYO NDU DIMI YƐ?

“Mɛlɛka cho o choo choo niŋndo cho masale ndɔleŋ kila. Wana o wana nɔla niŋ masaleŋ ndeŋ tɛɛmbuu le.”​—Daniel 2:44, New World Translation.

“A yɔŋgu naa poo, nduyɛ masaleŋ le cho ndu wa o choŋgu.”​—Aisaiya 9:6, NW, footnote.

YƐƐ HOO CHO YƐ NUM PƐƐKOO?

• Maa masale sandaaleŋ le cho, le ke num tɔnɔɔ suŋ suŋndo.​—Aisaiya 48:17, 18, NW.

• O chieeŋ sɛnɛi cho hunɔɔ wo niŋ, a cho kɛndiaa walaŋndo a nyaaloo tueiyɔɔ yeela.​—Sɔɔŋ Chɔɔmaŋndoŋ 21:3, 4.

Ŋ LAALAŊ PA KPEEKPEI NYƐ BAABUIYO DIMI WO?

Ŋ laalaŋ le sabulaŋ la tiɔɔŋ:

• Chiisu chɔm naa nyɛ Masale Mɛlɛkaleŋ le cho hunɔɔ tosa wo. Mi Chiisu pɛɛku buɛiyaa nduaa le ma piɛi le mi masale Mɛlɛkaleŋ le hiŋ, nduyɛ le mi hɛnaŋ Mɛlɛkaa tosaŋ o lɛŋndeŋ choo. (Maatiu 6:9, 10) Mi chiisu chɔm mɛɛ piɛileŋ ndeŋ le cho hunɔɔ mulioo sɔla yɛ.

  Teleŋ Chiisu wa o lɛŋndeŋ choo wo, mbo ke wanaa mayiaa nyɛdiaa, mbo siŋgi wanaa lanaa, nduyɛ mbo miŋgi waŋvilɛiya yoomu! (Maatiu 15:29-38; Chɔŋ 11:38-44) Chiisu cho Masaa le Masale Mɛlɛkaleŋ ni. Mbo chɔm naa nyɛ pɔmbɔ nyɛ Masaleŋ ndeŋ le cho tosa le wanaa nduaa wo.​—Sɔɔŋ Chɔɔmaŋndoŋ 11:15.

• Sɔɔŋ cho yɔŋnɔŋndo o chieeŋndo niŋ hau woŋ chɔm maa masale Mɛlɛkaleŋ le cho hunɔɔ suŋ. Mi Chiisu dimi maa tuupa mi Masale Mɛlɛkaleŋ le hiŋ a kɔl nyuloo o chieeŋndo choo, kpundɛlaŋ la cho wa. Laŋ la cho ni, chɔulaŋ, yiaaŋ, a lɛŋnde nyiiyaaleŋ.​—Maatiu 24:3, 7.

  Ŋ cho hau kpundɛlaŋ ndaŋ chɔɔ yɔŋnɔŋndo. Mɛɛ hoo Ke naa  tiindaŋndo ni maa Masale Mɛlɛkaleŋ le cho hunɔɔ suŋ kpundɛlaŋ ndaŋ kpou faŋa.