Kpundɛla Yaala Taselaŋ

Ma baŋ Isɔluɛiya le wali kala kalaa tosaa teleŋ nda wa o chɛleŋ niŋndo. Mi Chɛhowa viam Muuse nda Elɔŋ naa Feloo chua a yooŋgoo hoo aa: ‘Mal wanaa niaa ma kuɛ o pollo niŋ le ma kɔ piɛi ya loŋ.’ Mbo muli a yoŋga aa: ‘I buulaŋ a nyɛ Chɛhowa dimi wo le. Nduyɛ, I mel Isɔluɛiya ma kuɛ le.’ Okoŋ, mi Feloo baŋ nda niko le wallo tosaa o kala kala mbo hiau maa paandu. Chɛhowa wa Feloo nyɛ tosal fɛɛŋ bɛɛ ndoo puɛɛnuŋ te. A sina mɛɛ o wa ndi tosa yɛ? Mbo tusi waŋnda Ichipi Kpundɛlaŋ Tɔ choo. Mi Chɛhowa dimul Muuse aa: ‘Feloo yeŋ ya lani le. Siɔdii dii, o cho wa isisi o Pioo Nail ikɛi. Kɔ loŋ ma kɔ dimul ndu maa le mɛɛ o kɛɛ wanaa niaa malɔɔ ma kuɛ yɛ, I cho tosa mi mɛŋndaŋ o Pioo Nail kpou ma simnuŋ koowaŋ.’ Mi Muuse tosa nyɛ Chɛhowa dimul ndu wo. Mbo kua naa Feloo chua. Feloo wa tofaa, mbo cha mi Elɔŋ luaa mɛŋndaŋ o Pioo Nail a tindaa, mi ma simnuŋ koowaŋ. Mi suuwa kpou o peelo wu. Mi mɛŋndaŋ ma kandu chuŋndo. Nduyɛ maa niŋ lɛ le kolɔɔ kposoŋ te. Kɛ a koŋ kpou, mi Feloo kɛɛ kpooŋ le Isɔluɛiya malɔɔ ma kuɛ.

Palɛi ŋɔmmɛu hiouwɔɔ okoŋ kɔɔli, mi Chɛhowa viam vɛlɛ Muuse naa Feloo chua a yooŋgoo hoo aa: ‘Te a mel wanaa niaa ma kuɛ le, I cho tosa mi sɔlla pɛ Ichipi cha.’ Mɛɛ Elɔŋ heelu tinda ndɔɔ, mi sɔlla kumbu lɛŋndeŋ kpou. Mi waŋnda saaluŋ sɔlla o chiɛila ndalaŋ niŋ, o kpelela ndalaŋ choo, a o hɛŋgɛila ndalaŋ niŋ. Mi sɔlla tiu ba o ba fee o Ichipi niŋ. Mi Feloo dimul Muuse maa o nyɔɔlu Chɛhowa le mbo faŋa nda kpundɔɔ hoo choo. Nduyɛ mbo dimi maa o cho Isɔluɛiya malɔɔ ma kuɛ. Le hei, mi Chɛhowa faŋa nda kpundɛ koŋ choo. Nduyɛ, mi waŋnda Ichipi diu diu sɔlaa vi kaŋ nda bembelaŋ. Mi lɛŋnde Ichipileŋ kpou le fula chuŋ siouwɛiyo. Kɛ, mi Feloo kɛɛ vɛlɛ le Isɔluɛiya malɔɔ ma kuɛ.

Okoŋ, mi Chɛhowa dimul Muuse aa: ‘Dimul Elɔŋ mbo lɔɔ lɛŋndeŋ a tinda ndɔɔ. Te o lɔɔ pɛ, chundoo cho simnɔŋ muiya.’ O lepilɛ niŋ kpe, mi muiya tiu ba o ba fee. Mi wanaa Feloo wa apum dimul ndu aa: ‘Mɛlɛka pila kpundɔɔ hoo fula o ba ni.’ Kɛ a koŋ kpou, mi Feloo kɛɛ vɛlɛ le Isɔluɛiya malɔɔ ma kuɛ.