A Buŋgɛi 5 Okɔɔ

Mɛɛ Isɔluɛiya taŋ Pee Siaŋa Mɛŋma iHɛllo, paŋgoŋ ŋ muuŋ okoŋ kɔɔli, ma fuuluu o Pembii Sanai Ve. Loŋ Chɛhowa yii kpemaa a Isɔluɛiya ni le ma simnuŋ kaale ndɔle teŋgeŋndeŋ. Mbo manda nda, nduyɛ mbo ke nda nyɛ o nyɛ ndaa hauba. Mbo ke nda manɛiyo le dioo, mbo tosa nyɛla ndalaŋ la siɔŋ te. Nduyɛ mbo ke nda fondaŋ kɛndɛ kɛndɔɔ le ma wa loŋ. Te kala chuaa ŋ cho ni, mala po numndo ɔɔ chua numndo, le mbo bii bila le sabu Chɛhowa ke Isɔluɛiya sawalaŋ, tɛndiiyo le ndu piɛiyo, vɛlɛ a wanaa soliaa lasalaa wo. Tɛɛsial ndu le sabu i cho i sɔvɛ le miŋ lo o lediom, miŋ wa wanaa tusiaŋ, nduyɛ miŋ hiou lachi a Chɛhowa piɛiyo wo.