Lo Lechoo Wo

1. Lo lechoo wo a Chɛhowa,

Kaala koŋ naŋ cho chɔm ni.

Mɛɛ naŋ chii niŋ, yɔŋgɔŋ naa yɛ,

Mɛɛ miŋ sina sawa ndɔɔ.

Sila ndɔɔ cho le tɔnɔ naa,

Lelaŋ naŋ diikuŋ ndu ni.

Mbo lo lechoo, ŋ tiindaŋ ndu.

Fɛɛŋ a fɛɛŋ ŋ mel ndu le.

2. Lo lechoo wo a puaapiliaa,

Malaa nda a hau ba pɛ.

Ŋ kaala nda, ŋ laalaŋ nda,

Lo lechoo o nyɛ nyɛ niŋ.

Miŋ ke puaapiliaa naa bɛɛleŋ

Mi le chɛŋ naa o kɔl niŋ.

Lo lechoo wo, o saŋgaa niŋ,

Fɛɛŋ a fɛɛŋ ŋ mel nda le.

3. Lo lechoo wo miŋ diikuŋ nda,

Puaapiliaa chua chilaŋ pɛ.

Te a yɔŋgu nɛi chɔmaa pɛ,

Maa ŋ tuei nda diomndo fɔ.

Mi Chɛhowa dɔu naa sala

Mbo tosa naa miŋ kendu.

Te ŋ chɔm pɛ, lo lechoo wo,

Le Chɛhowa naŋ cho ni.