Nyunala Miiŋgaa Choo Laŋ le Buŋgɛi 3

Nuawɔ Pulɔwaa 27:11.

• Le yɛɛ ŋ nɔ yɛ ma chɔm lo lechoo wo o Chɛhowa lo?

  (Tofa Suɛi Lebolii 34.)

Vɛɛ ŋ nɔla yɛ ma tosa kɛɛsiaala kɛndɛlaŋ te Baabuiyo ke naa sawa kpeekpei a suɛi pum okɔɔ le?

Vɛɛ ŋ chɔm yɛ sandei o nyɛ o nyɛ niŋ?

Nuawɔ Maatiu 6:33.

• Vɛɛ ŋ nɔla yɛ ma “hiou lachi a Masale Mɛlɛkaleŋ . . . kɛsioo nyɛ tase” o wali numndo niŋ a o kaniei nuuviaa niŋ?

  (Tofa Suɛi Lebolii 37.)

Ɔɔ nɛilaŋ lapum la ŋ chɔm maa a nɔ bɛɛleŋ le yoomoo mɛɛ Chɛhowa nɔ bɛɛleŋ le ndu yɛ?

Nuawɔ Walta Kiilaa 15:29.

• Vɛɛ ŋ diikuŋ yɛ sawa Chɛhowa dɔu a koowaŋ okɔɔ wo?

• A yiyaŋ pa maa sawaa hoo bɛnda?

  (Tofa Suɛi Lebolii 39.)

Nuawɔ 2 Kɔliŋtiaŋ 7:1.

• Vɛɛ naŋ chɔm yɛ maa ŋ cho a diandaa o dialloŋ niŋ a o kaa niŋ?

  (Tofa Suɛi Lebolii 40.)

Nuawɔ 1 Kɔliŋtiaŋ 6:​9, 10.

• Yɛɛ Baabuiyo dimi yɛ a chiɛɛniŋndo okɔɔ? A chɛl pa nyɛ o dimi hoo wo?

• Yɛɛ Baabuiyo dimullɛ naa a muɛiyaŋ okɔɔ?

  (Tofa Suɛi Lebolii 41 a 43.)

Nuawɔ Maatiu 19:​4-6, 9.

• Sawa yɛɛ Mɛlɛka dɔu yɛ a nɔɔ okɔɔ?

• Te waŋnda wa pɛ challe o nɔɔ niŋ ɔɔ ma wa kɛyaŋndo, le yɛɛ nda nɔ yɛ ma kuɛ o lemasa ma soli yauwo?

  (Tofa Suɛi Lebolii 42.)

Ɔɔ dunyaŋ a palɛi bɛnduei ipum i tɛɛmbuu Chɛhowa kɔllo wo? Le yɛɛ ŋ tɛɛmbuu yɛ ndu kɔllo?

Nuawɔ Chɔŋ 17:16 a Walta Kiilaa 5:29.

• Vɛɛ ŋ chɔm yɛ maa a cho yuŋyeŋ?

• Te sawa wana chioo chɛlaŋ a sawa Mɛlɛkaa le, yɛɛ ŋ cho yɛ tosa?

  (Tofa Suɛi Lebolii 45.)

Nuawɔ Maki 12:30.

• Vɛɛ ŋ chɔm yɛ maa a kaala Chɛhowa?

  (Tofa Suɛi Lebolii 46 a 47.)