MULILAŊ LE NYUNALA BAABUIYO

Baa ŋ sɔla niŋ pa masaleŋ lepilɛ kpe le chieeŋndo kpou?

Yiyaŋndɔ a mɛɛ masaleŋ le chieeŋndo kpou looku niŋ waŋchieeya tɔnɔɔ chuu yɛ. Waŋnda cho hau saŋgaa tau a bala fondolaŋ, mi acheleŋnda nɔ nyɛsɔlaa tau. Kɛ masaleŋ le cho wa o chieeŋndo choo le nɔ niŋ sinapɛŋgoo a bahawɛila waŋnda laŋ, nduyɛ mi le tosa a sabu le bahawɛi wana o wana solioo. A yiyaŋ pa maa waŋchieeya nɔla ma hiŋ a masale suu waa naa?—Nuawɔ Chɛlimaya 10:23, NW.

Pulale ToolaaleŋKani masindɛ, masɛi bumba o nɛila bɔɔbɔɔ niŋ le wanaa cho o ndi bɛŋgu wa biyɔɔ nyɛkɛndɛi, o bii fau wanaa bala fonduaa. Masɛi ipum cho wanaa ndaa biyɔɔ ŋuasu ŋuasu. (Ikilisiate 4:1; 8:9, NW) Kɛ Mɛlɛka Kpaaya Kpou Kpou wo mɛi lediom maa o cho hunɔɔ a masale cho masɛi kpou siŋga ve. Masaa le masale leŋ cho waŋchieeya biyɔɔ nyɛkɛndɛi.—Nuawɔ Aisaiya 11:4; Daniɛl 2:44, NW.

Yɛɛ Masale Mɛlɛkaleŋ le cho yɛ tiuba le tosaa?

Chɛhowa Mɛlɛka hɛli masa cho sakpo wo, Chiisu Po ndɔ. (Luku 1:31-33) Teleŋ o wa o chieeŋndo choo wo, ndoo nɔ yeemɛi le waŋnda malaa. Maa Masa, o cho hunɔɔ a diompilɔɔ kaalaŋ tɛɛŋ kpou, nduyɛ mbo soli waŋnda o saŋgaa niŋ.—Nuawɔ Chondei 72:8, 12-14, NW.

Baa waŋnda kpou chɛl Chiisu ni le mbo wa Masa? Ɛ ɛ. Kɛ Chɛhowa, Mɛlɛka biuwaŋndo o cho ni. (Pitɛ Diiŋ Ndɔɔ 3:9) O cho waŋnda teleŋndo kioo le ma chɛl Chiisu maa Masa. O lo lɛ teleŋ vilɛi le, mi Chiisu huŋ tɛɛmbuu wanaa dɛnɛwɔɔŋnda kpou o chieeŋndo choo. Nduyɛ o cho sioonde faŋa, mbo hiŋ a kɔl nyuloo ba o ba fee o chieeŋndo choo.—Nuawɔ Maika 4:3, 4, NW.