SUƐI LEBOLLE O KƆƆ | BAA TƆNƆƆ CHO PA O PIƐILEŊ NIŊ?
Le Yɛɛ Waŋnda Piɛi Yɛ?
“Mi pisultaŋ o kanioŋ choo hiau ya o kɔl kɔɔli. Mi piɛi le mi sul. Kɛ i yɔŋnuŋ kposoŋ te.”—Samuɛɛ,a Kenya.
“Nyɛ naŋ tosa o suuku kinɛiyo cho miŋgioo sondoo o piɛile nda pɛɛku naa le biyɔɔ o kɔl teŋ ni.”—Tɛlisa, Filipiŋ.
“Mi piɛi te bahawɛilaŋ la komal la pɛ. Mi piɛi le malɔɔ hakioo nduyɛ le mi wa Kilisiɔŋnɔ kɛndɛ.”—Madaliŋ, Kana.
Nyɛ Samuɛɛ, Tɛlisa, a Madaliŋ dimi hoo wo chɔm maa waŋnda piɛi Mɛlɛka le sabula bɔɔbɔɔ. Apum nɔ yiyaŋ kɛndɔɔ mbo hiau acheleŋnda. Apum, o kɔllo niŋ di piɛile ndaleŋ le chaŋ ni. Apum yɛ, le cheŋ nda o kɔl te. Kɛ, o wa bɛɛ ma piɛi le tofalaŋ hiouwɔɔ o suuku, le mi kunda luaa bɔl nda hɛnaŋndo ɔɔ pisulta cheleŋ sɔla batiuwaa le acheleŋnda lɔɔ, le mi Mɛlɛka manda yuŋgu ndaa, ɔɔ le sabula cheleŋndaŋ, waŋnda o miiliɔŋndaŋ niŋ yiyaŋ maa a nɔ ma piɛi. Le hei, wanaa yaasiaa ŋsɔɔ wa chɔm maa mi wanaa nɔ lekaŋ te wa bɛɛ piɛi lɔɔlɔɔ.
Ma piɛi? Te lende i cho ni, le yɛɛ ŋ piɛi yɛ? O wa bɛɛ aa wana hɛnaŋ piɛileŋndo ŋ cho ni, ɔɔ a piɛi le, ma nyuna dɔɔ aa, ‘Baa tɔnɔɔ cho pa o piɛileŋ niŋ? Baa wana cho pa nilaŋ yaŋɔɔ?’ Mi wana poonyiaa pilɛ dimi aa, “Mɛɛ wana chua kooma mialaŋ yɛ koni piɛileŋ le cho ni . . . ɔɔ mɛɛ waŋndo wa suɛi o suu o cho mandaa lo wo yɛ.” Yiyaŋ pilɛ koŋ kpe wanaa chiɔwaa chua chilaŋnda nɔ ni, maa “kooma mialaŋ” piɛileŋ le cho ni. Baa saŋgaŋ fondoo ko piɛileŋ le cho ni, ɔɔ kooma mialaa ke wana kɛndiaa waŋ le cho ni?
O baa pilɔɔ choo, Baabuiyo dimi naa maa kooma mialaŋ te piɛileŋ le cho le. O dimul naa maa waŋndo cho kɛsɛ mbo wa nilaŋ yaŋɔɔ o piɛile cho o nɛi sakpoo choo, nduyɛ le sabula sɔvɛlaŋndo. Baa tonya hei cho ni? Ŋ tofaŋndɔ te tonya i cho ni.
a Diolaŋ lapum la siŋgaŋ.