Yɛɛ Baabuiyo Dimi Yɛ?

Yɛɛ cho yɛ Masale Mɛlɛkaleŋ??

WAŊNDA APUM LAALAŊ maa le sim nyɛ Mɛlɛka cho tosaa waŋndo o kɔl lo. Acheleŋnda nda yiyaŋ maa nyɛ waŋchieeya cho kindiŋndo le tosaa le ma hiŋ a kɔl nyuloo o chieeŋndo choo, a chaaŋaa ndaa waŋchieeya tɛɛŋndo.

Vɛɛ num yiyaŋ yɛ?

NYƐ BAABUIYO DIMI WO

‘A teleŋ masaa yɛ yiaa haa cho wa wo, Mɛlɛka cho hunɔɔ masale cheleŋ hɛli. Masale tembu le fɛɛŋ a fɛɛŋ te leŋ. . . . Masɛi paanduei kinɛi, masaleŋ ndeŋ le cho ndi hunɔɔ pesi pesi, i ve lɛ le.’ (Daaniɛɛ 2:44) Masale Mɛlɛkaleŋ, masale kpeekpei leŋ le cho ni.

YƐƐ CHELEŊ NAŊ PƐƐKU YƐ O BAABUIYO NIŊ?

• O choo choo niŋ Masale Mɛlɛkaleŋ le cho ni.​—Maatiu 10:7; Luku 10:​9.

• Mɛlɛka cho Masaleŋ ndeŋ soliŋndo kpeku le sabu ndɔɔ peeloo o choo choo niŋ a o lɛŋndeŋ choo.​—Maatiu 6:10.

Teleŋ kuɛɛ Masale Mɛlɛkaleŋ le cho yɛ hunɔɔ?

YƐƐ Ŋ CHO YƐ DIMI?

• Wana o wana sina le

• Le cho hunɔɔ suŋ

• Fɛɛŋ bɛɛ le hiŋ te

NYƐ BAABUIYO DIMI WO

“Nduyɛ o koŋ kɔɔli, waŋnda cho yooŋgu kɛndɔɔ hoo dimi a masale Mɛlɛkaleŋ okɔɔ ba o ba fee o chieeŋndo choo, le mi waŋnda kpou a tuei. Te keŋ yɔnuŋ pɛ, o koŋ kɔɔli, mɛɛlula chieeŋndo la fuuluu.” (Maatiu 24:14) Te yooŋgu kɛndɔɔ hoo dimiŋ dɔɔ pɛ chieeŋndo balɔɔ silɔ, Masale Mɛlɛkaleŋ le cho hunɔɔ chieeŋ dɛnɛ wɔɔŋndo hoo faŋa.

YƐƐ CHELEŊ NAŊ PƐƐKU YƐ O BAABUIYO NIŊ?

• Wana o wana o chieeŋndo choo sina teleŋ kpeekpei Masale Mɛlɛkaleŋ le cho hunɔɔ wo le.​—Maatiu 24:36.

• Sɔɔŋ Baabuiyo dimi woŋ chɔm maa Masale Mɛlɛkaleŋ le cho hunɔɔ suŋ.​—Maatiu 24:3, 7, 12.