Laalaŋ Naa Tɛɛsiaa A 1914 Okɔɔ

Baabuiyo dimul naa le miŋ “va a bɛɛndiaŋ teleŋ o teleŋ le . . . chɔmndo” a laalaŋ naa okɔɔ, nduyɛ, ŋ nɔ miŋ tosa ndi “o bɛɛle kɛsiaa niŋ.” (Pitɛ Tasoo 3:15, 16) Wana dimi isɔɔ a tonya, miŋ che ndi i kala tau le tɛɛsiaa sɔɔŋ tonya yiŋgoloŋndoŋ o Baabuiyo niŋ. Ŋpum cho ni, vɛɛ naŋ looku yɛ sina maa o wɔsi 1914 ve niŋ Masale Mɛlɛkaleŋ le kanduŋ o choo choo niŋ ni? Le naa malaa miŋ tosa hei, buŋgɛi cho i toosiaŋ o Bandu Mɛŋgɛlaa naŋ wa niŋ yɔŋgoo o bɛɛ wo niŋ, Saa a Bɛŋgufɔnɔɔ. Suɛi nduɛi lebolle aa, “A Conversation With a Neighbor—When Did God’s Kingdom Begin Ruling?” [Conversation avec un Témoin de Jéhovah: Quand le Royaume de Dieu at-il commencé à régner?] Te a wa pɛ buŋgaŋ muŋ yaasiaa, yiyaŋ o nyunalaŋ ndaŋ choo ma che mɛɛ Kɛmilɔŋ tol taŋ kɔɔli yɛ, wana dimiaa yooŋgu kɛndɔɔ o suukaŋndo hoo niŋ.

Vɛɛ o . . .

• soliŋ yɛ chandɔɔ kpeku le baltaŋ kandɔɔ?—Walta Wanaa Chiisuaa 17:22.

• Chɔm yɛ bɛɛleŋ le laalaŋ ndɔɔ tɛɛsiaa?—Walta Wanaa Chiisuaa 14:15.

Le yɛɛ ndoo . . .

• bii yɛ sɔɔŋ kuloŋ diom pilɛ tuupa mbo hiou o sɔɔŋ cheleŋ?

• mei yɛ tiŋ teleŋ ndaŋ lapum mbo nyuna te wana o cho suɛi tɛɛsiallo wo bii pɛ ndi bila?

• kindiŋ le buŋgaŋ chuaa tau o suukaŋ le pilɛ niŋ te?—Chɔŋ 16:12.

Ŋ naŋ kɔl mi Chɛhowa, wana naa “Pɛɛkaa Bɛndoo” wa naa pɛɛkoo le sɔɔŋ yiŋgoloŋndoŋ o Baabuiyo niŋ tɛɛsiaa o wanaa cho a yeemɛi le tonyaa wa!—Ais. 30:20, NW.