Yau Sɛnɛi Mala Naa le Sɔɔŋ Yaasiaa Wo

Wanaa dimiaa yooŋgu kɛndiaa o miiliɔŋndaŋ niŋ chieeŋndo balɔɔ silɔ soliŋ niŋ yauwo hoo kpeku ma veelu ndu o puuluei niŋ aa, Watch Tower Publications Index ɔɔ (Index des publications des Témoins de Jéhovah) le sɔɔŋ yaasiaa. Le mɛɛ yauwo hoo soo a sɔɔŋ yiŋgoloŋndoŋ okɔɔ yɛ, sɔɔŋ maŋgalaŋ nyɛɛmbɔ koni nda hivi ndu ni. Lelaŋ, Seiyaa Chɛhowaa toosiaa Research Guide for Jehovah’s Witnesses (Guide de recherche pour les Témoins de Jéhovah). O cho o toosiaŋ o sɔɔŋ maŋgalaŋ 170 niŋ. Yaula ŋ saaluŋ o yau sɛnɛiyo hoo niŋ le sɔɔŋ yaasiaa wo la kanduŋ o wɔsi 2000 nde niŋ mbo kua lachi kɛ. “Yau Mala Naa le Sɔɔŋ Yaasiaa Wo” chowɔ o toosiaŋ o sɔɔŋ maŋgalaŋ nɔ niŋ yau nda veelu o puuluei niŋ aa Index wo le kɛ, o cho o yoole mapuululeŋ “Naa Yaasiaa Ŋsɔɔ Wa” a “Naa Yaasiaa Ŋsɔɔ wa o Intɛnɛitiiyo Choo”. Research Guide hoo cho num mala ma saaluŋ mulilaŋ le nyunala Baabuiyo, sɔɔŋ le bahawɛila cho num paaliaŋndo laŋ, bɛɛndiaŋndo le bɔŋaŋnda naŋ biilaŋ, a pɛɛku leyuŋgoo okɔɔ.