YƆŊGUŊ O WALI POLLO NIŊ | CHƆƆLU KƆL KƐNDƆƆ SƆLA O WALI POLLO NIŊ
Soliŋ Nyɛm Naŋ Tosa Yaasiaa Woŋ Kpeku
Chɛhowa ke naa nyɛm mala naa le miŋ chaa waŋnda pɛɛkoo nyɛkɛndɛi yoŋ. Nyɔɔŋ muŋ cho yɛ vidueilaŋ, yaula pɔmbɔlaŋ, Bandu Mɛŋgɛlaa a “Tiondoo!” buluchiɔɔlaŋ, bukuilaŋ, a Baabuiyo ni. (2Ti 3:16) O ke naa vɛlɛ nyɛm naŋ tosa yaasiaa woŋ le naa malaa miŋ tɛɛsiaa bolii Baabuiye nyɛkɛndɛi. Muŋ cho ni, Watchtower Library, JW Library®, Naa Kɛsiaa Layauwa o INTANƐTIIYO CHOO, a Yau Yaasiaa Ŋsɔɔ le Seiyaa Chɛhowaa.
A cho chɔɔlu kɔl kɛndɔɔ sɔla te a soliŋ pɛ nyɛm waliŋ naŋ nɔ kpou woŋ kpeku, le yaasiaa yiŋgoloŋndo tosaa o Baabuiyo niŋ. Tosa a sabu ma mala wanaa numaa pɛɛkaa le ma sina mɛɛ nda soliŋ nyɛm walloŋ muŋ kpeku yɛ. Nda bɛɛ cho wa a kɔl kɛndɛ te a saaluŋ pɛ mulilaŋ le nyunala nda nɔ a Baabuiyo okɔɔ laŋ.
TOFA VIDUEIYO HOO, A TIUBA MA NƆ KƆL KƐNDƐ WANA SƆLA O WAŊNDA SIIŊGUUWO BUƐIYA NIŊNDO—CHƐL MALA CHƐHOWAA—NYƐM NAŊ TOSA YAASIAA WOŊ SOLIŊNDO KPEKU, OKOŊ MI LA MULI NYUNALAŊ NDAŊ:
Yɛɛ Ched ndoo dimi yɛ a nyɛm Mɛlɛka toosiaa woŋ okɔɔ?
Kuɛɛ Nita ndoo saaluŋ yɛ yooŋgula cho a nyɛm Mɛlɛka toosiaa woŋ okɔɔ laŋ?
Nyɛm tɔɔmaŋ saalɔŋndo o Baabuiyo niŋ a muŋ waŋnda pɛɛkoo tosa miŋ wa a kɔl kɛndɛ
Vɛɛ Nita ndoo saaluŋ yɛ suɛi kpeekpei ndii pilaŋ Ched kɔllo ve?
Vɛɛ soliŋndo nyɛm naŋ tosa yaasiaa woŋ kpeku piiliaŋ yɛ Nita?