Soliŋ Nyunalaŋ Kpeku

Chɛhowa “Mɛlɛka kɔl kɛndɔɔ” yeema naa miŋ tuei wali pollo yeela. (1Ti 1:​11, NWT) Mɛɛ naŋ kindiŋ le hiouwɔɔ lachioo tosaa fau o yooŋgu kɛndɔɔ dimioo niŋ, lende koni naŋ chɔɔlu nyaaloo sɔla ni. Nyunalaŋ la mala mi waŋndo chɔm yeemɛi, nduyɛ nɛi kɛndɔɔ pila cho hoo ni le baltaŋ kandɔɔ. Mi nyuuniaalaŋ la dɛɛniaa waŋndo le mbo yiyaŋ o suɛi choo. (Mat 22:​41-45) Te ŋ nyuna pɛ waŋndo nduyɛ miŋ yaŋ ndu nilaŋ, mɛɛ dimullo naŋ wa ndu koŋ ni aa: ‘I che num bɔɔ wana sɔvɛ bɛndu.’ (Che 1:​19) Muli waŋndo cho yɔŋgu wo cho naa mala le miŋ sina nyɛ naŋ nɔ miŋ suukaŋ choo nyɛkɛndɛi yo.

TOFA VIDUEIYO HOO A TIUBA MA NƆ KƆL KƐNDƐ WANA SƆLA O WAŊNDA SIIŊGUUWO BUƐIYA NIŊNDO—TOSA HIOUWƆƆ LACHIOO—NYUNALAŊ SOLIŊNDO KPEKU, OKOŊ MA NYUNA WANAA CHALLA AA:

• 

  Suliŋnda kɛndɛla kuɛɛ Ched chɔm yɛ?

• 

  Vɛɛ Nita soliŋ yɛ nyunalaŋ kpeku le chɔmndo maa o nɔ yeemɛi o Ched niŋ?

• 

  Vɛɛ Nita soliŋ yɛ nyunalaŋ kpeku le Ched malaa mbo nɔ yeemɛi tau o yooŋgu kɛndɔɔ niŋ?

• 

  Vɛɛ Nita soliŋ yɛ nyunalaŋ kpeku le Ched malaa mbo yiyaŋ o nyɛ o dimul ndu wo choo?