Chɛl Mala Chɛhowaa Sanaa a Piɛileŋ

Chɛhowa tosa ni mi kulii tonyaa tɔlnuŋ waŋndo o kɔl, nduyɛ mii hindu. (1Kɔ 3:6-9) Lelaŋ, le miŋ sɔla batiuwaa o wali pollo niŋ, mɛɛ miŋ tiindaŋ Chɛhowa le naa malaa a wanaa naŋ cho Baabuiyo pɛɛkoo wa.

Nyuna Chɛhowa le mbo mala wanaa ŋ cho Baabuiyo pɛɛkoo wa ma biunuŋ simultaŋ, vɛlɛ ma chɔulaba tɔɔndaŋnda komal nda laŋ. (Flp 1:​9, 10) Chɔm ndu nyɛ kpeekpei ŋ hauba wo. Piɛi le mi nyina diandaa manda yiyaŋnda numndaŋ, nduyɛ mbo chɔm num nɛiyo o sɔɔŋ ŋ tosa woŋ niŋ. (Luk 11:​13) Pɛɛku wanaa ŋ cho Baabuiyo pɛɛkoo wa mɛɛ wana piɛi yɛ, nduyɛ ma dɛɛniaa nda le ma wa keŋ tosaa. Piɛi a wanaa ŋ cho Baabuiyo pɛɛkoo wa latulu. Nduyɛ te a wa piɛileŋ pɛ le nda, veelu diola ndalaŋ o piɛileŋ niŋ.

LA TOFA VIDUEIYO HOO, A TIUBA MA NƆ KƆL KƐNDƐ WANA SƆLA O WAŊNDA SIIŊGUUWO BUƐIYA NIŊNDO—CHƐL MALA CHƐHOWAA—PIƐILEŊ, OKOŊ MI LA MULI NYUNALAŊ NDAŊ:

• Simul yɛɛ Nita ndoo sɔla yɛ mɛɛ o wa Ched Baabuiyo pɛɛkoo?

• Vɛɛ Kɔliŋtiaŋ Tasoo 3:6 mala yɛ Nita?

• Yɛɛ mala yɛ Nita mbo tiu simul ndoo sɔla wo ba?