YƆŊGUŊ O WALI POLLO NIŊ | CHƆƆLU KƆL KƐNDƆƆ SƆLA O WALI POLLO NIŊ
Mala Wanaa Ŋ Cho Baabuiyo Pɛɛkoo Wa le Ma Mal Kaala Wɔɔŋndaŋ
Wanaa cho a diandaa o kaala ndalaŋ niŋnda kinɛi tuɛi chaŋyɛi kpɛɛluŋnde yeela a Chɛhowa ni. (1Pi 1:14-16) Mi wanaa ŋ cho Baabuiyo pɛɛkoo wa sɔla tɔnɔɔ o yuŋgu ndaa niŋ, kɛndiaa ndaa, vɛlɛ a nyɛ nda sɔlaa te a mal pɛ kaala wɔɔŋndaŋ.
Tɛɛsial nda sawala diandaala Chɛhowalaŋ. Chɔm nda le sabu la cho wo, vɛlɛ a tɔnɔla nda sɔla laŋ te a tol taŋ pɛ kɔɔli. (Ɛfi 4:22-24) Dimul nda maa a mala Chɛhowaa, a tiuba ma mal sɔɔŋ wɔɔŋ nda wa tosaa paandu woŋ. (Flp 4:13) Pɛɛku nda le ma wa piɛileŋ o Chɛhowa lo te tɔɔndaŋndo komal nda pɛ le hakioo tosaa. Mala nda ma sina sɔɔŋ luei nda o tɔɔndaŋndo bɛŋgu woŋ. Nduyɛ ma mala nda le ma pɛŋgi muŋ tosaa. Dɛɛniaa nda le ma tosa sɔɔŋ chuu nda tɔnɔɔ woŋ. Mi Chɛhowa mala wanaa ŋ cho Baabuiyo pɛɛkoo wa le siŋgaŋndaŋ tosaa o yoomu ndaa niŋ. A cho wa a kɔl kɛndɛ tau te a che nda pɛ siŋgaŋndaŋ ndaŋ tosaa.
LA TOFA VIDUEIYO HOO, MALA WANAA Ŋ CHO BAABUIYO PƐƐKOO WA LE MA MAL KAALA WƆƆŊNDAŊ, OKOŊ MI LA MULI NYUNALAŊ NDAŊ:
Vɛɛ Nita nda bɛnduaa kundaa ndaa dɔu yɛ tiindaŋndo o Ched niŋ?
Vɛɛ Nita ndoo chɔɔlu yɛ Ched mala?
Vɛɛ Ched ndoo muliŋ yɛ o Chɛhowa lo le malaa?