Mala Wanaa Ŋ Cho Baabuiyo Pɛɛkoo Wa le Ma nɔ Chaŋyɛi Kpɛɛluŋnde a Chɛhowa

Chɛhowa yeema miŋ piɛi ndu le mɛɛ naŋ kaala ndu yɛ. (Mat 22:37, 38) Kaala wanaa naa pɛɛkaa nɔ le Chɛhowa wo nyindu nda ni le ma tosa siŋgaŋndaŋ. Ndu tosa nda vɛlɛ ni ma sim yi te tɔɔndaŋndo komal nda pɛ. (1Chŋ 5:3) Kaala nda nɔ le Chɛhowa wo nyindu nda vɛlɛ ni le yiŋɔɔ sɔlaa.

Mala wanaa ŋ cho pɛɛkoo wa le ma che kaala Mɛlɛka nɔ le nda wo. A nyuna nda aa: “Yɛɛ hei pɛɛku yɛ num a Chɛhowa okɔɔ?” ɔɔ “Vɛɛ hei chɔm yɛɛ maa Mɛlɛka nɔ kaala le num?” Mala nda ma che mɛɛ Chɛhowa cho nda malaa yɛ. (2Ko 16:​9) Chɔm nda tamaseliilaŋ a mɛɛ Chɛhowa muli niŋ piɛile numndeŋ yɛ. Nduyɛ ma mala nda ma che mɛɛ Chɛhowa muli piɛile ndaleŋ yɛ. Miŋ wa a kɔl kɛndɛ tau, te wanaa naa pɛɛkaa sina pɛ maa Chɛhowa kaala nda, nduyɛ mi nda bɛɛ wa chɔmndo maa a kaala ndu.

LA TOFA VIDUEIYO HOO, MALA WANAA Ŋ CHO BAABUIYO PƐƐKOO WA LE MA NƆ CHAŊYƐI KPƐƐLUŊNDE A CHƐHOWA, OKOŊ MI LA MULI NYUNALAŊ NDAŊ:

• 

  Simul kuɛɛ Ched ndoo sɔla yɛ?

• 

  Vɛɛ Nita ndoo mala yɛ Ched?

• 

  Vɛɛ Ched ndoo tiu yɛ simul koŋ ba?