YƆŊGUŊ O WALI POLLO NIŊ | CHƆƆLU KƆL KƐNDƆƆ SƆLA O WALI POLLO NIŊ
Mala Wanaa Ŋ Cho Baabuiyo Pɛɛkoo Wa le Ma Sina Mɛɛ Wana Pɛɛku Yɛ
Le mi wanaa naŋ cho Baabuiyo pɛɛkoo wa sina Chɛhowa nduyɛ ma simnuŋ kaasoŋnda o ndu piɛiyo niŋ, o cho ko tonyala naŋ cho nda pɛɛkoo laŋ te nda nɔ ma sina le. Kɛ a nɔ ma pɛɛku le sinaa a tonyala cheleŋ okɔɔ. (Mat 5:3; Hib 5:12–6:2) Lelaŋ, ŋ nɔ miŋ mala nda ma sina mɛɛ wana pɛɛku yɛ.
Te la kandu ndɔɔ pɛ pɛɛkoo, chɔm wanaa ŋ cho Baabuiyo pɛɛkoo wa mɛɛ wana bɛɛndiaŋ le pɛɛkoo yɛ, nduyɛ ma dɛɛniaa nda le ma wa keŋ tosaa. (mwb18.03 6) Dɛɛniaa nda vɛlɛ le ma kandu a piɛileŋ teleŋ o teleŋ tuupa ma kandu pɛɛkɔŋ ipilayaa tosaa. Mala nda le ma sɔla nyɛm waliŋ cho le pɛɛkoo woŋ o nyɛm ndaŋ mapuuloŋ niŋ, nduyɛ ma mala nda ma sina mɛɛ wana soliŋ muŋ kpeku yɛ. Tɛɛsial nda ma sina mɛɛ wana saaluŋ sɔɔŋ sɛnɛŋ fula o jw.org choo vɛlɛ a o tɛlivisiɔŋ Seiyaa Chɛhowaa choo yɛ. Hiou lachi a nda loonɔŋndo le ma wa diomndaŋ veeloo o Baabuiyo niŋ lepaa o lepaa, bɛɛndiaŋndo le bɔŋaŋnda leKilisiɔŋndaŋ, a yaasiaa tosaa le ma saaluŋ mulilaŋ le nyunala ndalaŋ. Mala nda le ma wa yiyaŋndo yiŋgoloŋ o nyɛ nda cho pɛɛkoo wo choo.
LA TOFA VIDUEIYO HOO, MALA WANAA Ŋ CHO BAABUIYO PƐƐKOO WA LE MA SINA MƐƐ WANA PƐƐKU YƐ, OKOŊ MI LA MULI NYUNALAŊ NDAŊ:
Vɛɛ Nita mala yɛ Ched mbo sina maa pɛɛkoo cho ko mulilaŋ sinaa le?
Yɛɛ tosa yɛ mi Ched laalaŋ kɛsɛ maa o bɛnda bɔɔ mi Chɛhowa kɛɛ kaa ihini nɔɔlɛiyo?
Mala wanaa ŋ cho Baabuiyo pɛɛkoo wa le ma kɛsiŋ sɔɔŋ sɔviɔŋ o kɔl, nduyɛ ma soliŋ muŋ kpeku
Yɛɛ Ched mɛɛlu yɛ sina a yiyaŋ yiŋgoloŋndo okɔɔ?