Soliŋ Kpeku a “Yɛɛ Naŋ Pɛɛku yɛ o Diom Mɛlɛkaa Niŋ?”—Le Suukaŋndo Kandɔɔ
1. Nyɛ wali sɛnɛi kuɛɛ naŋ sɔla yɛ le wali pollo?
1 Kpeŋgii tasei o Baabui nda miŋgi soli wo niŋ, New World Translation, pɛllo cho o kandɔŋndo ma veelu ndu o puuluei niŋ aa, “An Introduction to God’s Word.” (Pɛllo hoo hiviŋ niŋ o Kisei niŋ mbo wa yauwo a bandɔ. Diola ndɔlaŋ aa, “Yɛɛ Naŋ Pɛɛku yɛ o Diom Mɛlɛkaa Niŋ?” Vɛɛ naŋ soliŋ yɛ nyɛ wali sɛnɛiyo hoo kpeku te ŋ wa pɛ bɛɛndiaŋndo le nyɛ naŋ cho lakɔ dimi o wali pollo niŋndo? Yauwo hoo nɔ bolii Baabui soo a sɔɔŋ yɛyɔŋ Baabuiyo dimi woŋ okɔɔ mɛɛ ŋ cho o yau Reasoning (Comment raisonner) ndo niŋ yɛ. O mala naa tau le suukaŋndo kandɔɔ o wali pollo niŋ.
2. Vɛɛ naŋ soliŋ yɛ kpeku a “Yɛɛ Naŋ Pɛɛku yɛ o Diom Mɛlɛkaa Niŋ?” o wali pollo niŋ?
2 Naapum a soliŋ nyuna 8 wo kpeku ma dimi aa, “Ŋ cho keiyo chaaŋaa naa yilɔɔ chobe kanifuule, mi kɔndɔfillo bii wanaa bɔɔbɔɔ ma nyuna aa, ‘Mɛlɛka naŋ bii tɔɔyaŋ le nyɛpalaa waŋchieeya ni?’ [O tandalaŋ lapum niŋ, o wa o bɛndaa tau ma chɔm wana chiɛiyo pila nyunaa o yauwo niŋ.] Yɛɛ cho yɛ yiyaŋ numndo? [Chum mbo muli.] Baabuiyo nɔ muli kɔl dɛɛniaa le nyunaa hoo. Nuel ndu bolle Baabuileŋ le pilɛ ɔɔ i hiou bɛɛ lende ma tɛɛsial ndu o Baabuiyo niŋ. Te wana chiɛiyo chɔm yeemɛi pɛ, chɔm ndu nyunala 20 cho o kandɔŋndo laŋ ma nyuna ndu le nyuna o yeema mi la suukaŋ choo wo te a miiŋgu pɛ teleŋ cheleŋ. Te koŋ te, ke ndu yaula naŋ pɛɛku waŋnda Baabuiyo laŋ o pilɛ o chɔɔlu suɛi nya wa suukaŋndo choo ve tɛɛsiaa ve.
3. Vɛɛ naŋ soliŋ yɛ kpeku a “Yɛɛ Naŋ Pɛɛku yɛ o Diom Mɛlɛkaa Niŋ?” o tandala wanaa cho ŋKilisiɔŋ te wa niŋ le suukaŋndo kandɔɔ?
3 Nyuna 4 a 13 tei 17 la mala bɔɔ o wali pollo niŋ o tandala wanaa cho ŋKilisiɔŋ te wa niŋ. Le tamaseliiyo, a soliŋ nyuna 17 wo kpeku ma dimi aa, “Ŋ cho suukaŋndo chobe a yuŋgulaŋ o tanda naa niŋ le nda malaa. A laalaŋ pa maa simulta bɔɔbɔɔ la komal hau yuŋgulaŋ? [Chum mbo muli.] Diomnda sɔvɛlaŋ ndaŋ la mala niŋ wanaa bɔɔbɔɔ cho o nɔɔ niŋnda. “Wana lanɔ o wana lanɔ a nɔ ma ke pɔnɔ num bɛɛleŋ.” [A nɔ ma chɔm ndu maa nyɛ ŋ cho dimioo wo fula o Ɛfisiaŋnda 5:33 niŋ te. Te o wanalanɔɔ lo ŋ cho suɛi ni, a kei sondoo o nyɛ dimiŋ o Ɛfisiaŋnda 5:28.] A yiyaŋ maa o ve tɔnɔɔ le wanaa cho o nɔɔ niŋnda ma tol nyɛ dimiŋ o bolle Baabuileŋ ndeŋ niŋndo kɔɔli le?”
4. Te a hiŋ pɛ le suukaŋndo chiiyo a wana kue hoo o lekaŋ te wo, yɛɛ ŋ nɔ yɛ ma tosa?
4 Te a hiŋ pɛ le suukaŋndo chiiyo, tosa kɛɛsiaa le miiŋgoo o ndulo a teleŋ cheleŋ mi la huŋ hiou lachi a suukaŋndo. Naapum, a kɛɛsiaa le ma soliŋ kpeku a bolle Baabuileŋ le pilɛ o bolii Baabui cho o nyuna koŋ bɛŋgu ve. A teleŋ nya cho niŋ wa suukaŋndo wo, dimul wana chiɛiyo maa mulila sɔvɛlaŋ ndaŋ kpou o Baabuiyo niŋ la fula ni. Te a sina pɛ maa wana koŋ chɔm yeemɛi le Baabuiyo pɛɛkoo o suukaŋ nya tasoo, mel ndu yau ŋ yiyaŋ maa o bɛnda wo.—Tofa peele cho tɛɛŋ o Yau Wali Naa leMasaa niŋndo Yindimiiyo 2013, o puuluei niŋ.