Hiouwɔɔ Lachioo Tosaa o Wali Pollo Niŋ—Soliŋ Yau Yooŋgu Kɛndɛ Chɛŋ O Mɛlɛka Lo Wo! Kpeku le Pɛɛku Baabuiyo Kandɔɔ o Foofo
Le Yɛɛ Hei Bɛnda Yɛ? Le miŋ siiŋguu waŋnda buɛiyaa Chiisuaa, mɛɛ miŋ wa wanaa pɛɛku waŋnda Diom Mɛlɛkaa wa. (Mat. 28:19, 20) Naa kpou tiuba miŋ pɛɛku waŋnda tonyaa nyɛkɛndɛi, te ŋ wa pɛ nyɛm waliŋ nda ke naa woŋ soliŋndo kpeku. Yau Yooŋgu Kɛndɛ Chɛŋ O Mɛlɛka Lo Wo! cho kpeekpei o toosiaŋ le naa malaa miŋ pɛɛku waŋnda tonyaa. O kpeekpei niŋ, ŋ soliŋ ndu kpeku miŋ kandu waŋndo Baabuiyo pɛɛkoo o foofo paale tasale naŋ komal ndu leŋ.
Kindiŋ Ma Tosa Hei o Paŋgei hei Niŋ:
Piɛi o Chɛhowa lo le ma nɔ yeemɛi ŋ kandu pɛɛku Baabuiyo ve. Piɛi vɛlɛ Chɛhowa le mbo mala num ma kandu wana nɔ yeemɛiyo Baabuiyo pɛɛkoo nduyɛ a le ma simnuŋ wana chaa waŋnda tonya Baabuiyo pɛɛkoo wo nyɛkɛndɛi.—Fil. 2:13.
O wa bɛɛ pɛɛku leyuŋgoo nya cho tosaa ni ɔɔ pɛɛkɔŋ ipilayaa, chua teleŋndo ma pɛɛku nyɛ ŋ cho lakɔ dimi o wali pollo niŋndo. Te a tosa lende pɛ, siooŋii ve lɛ num le suɛi o wali pollo niŋ te. Nduyɛ a tiuba ma kandu pɛɛku Baabuiyo a waŋndo o foofo.