**Hiouwɔɔ Lachioo Tosaa o Wali Pollo Niŋ—Soliŋ Kpeku a Yɛɛ Kpeekpei Baabuiyo Pɛɛku Yɛ? Ma Chɔm Mɛɛ Naŋ Tosa Pɛɛku Baabuiyo Yɛ**

Le yɛɛ hei Bɛnda Yɛ? Wanaa bɔɔbɔɔ bii ndi bila le te ŋ dimi pɛ maa ŋ tosa pɛɛku Baabui ŋ paawa nyɛ le wo a waŋnda. Ma yiyaŋ maa o sukuu nda cho vɛlɛ miiŋgoo ni. O cho ko waŋndo dimullo aa ŋ tosa pɛɛku Baabui ŋ paawa nyɛ le wo le. Kɛ, chɔm ndu mɛɛ naŋ tosa ndu yɛ. O yɔŋ bɛɛ mɛɛ naŋ kua o wali pollo niŋ naa yɛ, chɔm waŋndo o teleŋ biŋgi koŋ niŋ mɛɛ o cho tɛtɛlɛ nduyɛ mbo wa nyɛ yeelɛi le Baabuiyo pɛɛkoo yɛ.

Vɛɛ ŋ Tosa yɛ Hei,

Te a yil pɛ wana chiɛiyo ma chɔm diola numndaŋ, nyuna ndu te o buulaŋ pɛ a chilaŋ okɔɔ.
Dimul ndu maa buulaŋ pilɛ koŋ kpe wanaa bɔɔbɔɔ nɔ ni okoŋ, chɔm ndu sɔɔŋ lebolloŋ o yauwo hoo niŋ, Yɛɛ Kpeekpei Baabuiyo Pɛɛku Yɛ? Chɔm ndu maa yauwo hoo nɔ sɔɔŋ tɛtɛlɔŋ le sinaa nyɛ Baabuiyo pɛɛku a chilaŋ vɛlɛ a sɔɔŋ cheleŋ okɔɔ woŋ. Nyuna ndu le buŋgɛi o yeema mi la yaasiaa ve.
Ke ndu yauwo, ma chɔm ndu naa buŋgɛi o yeema mi la suukaŋ choo ve cho wa. Tɛɛsial ndu maa nyunala cho o buŋgɛi kandɔŋndo laŋ, mulilaŋ la cho o pɛlta cho lachi laŋ niŋ.
Dimul wana chiɛiyo mbo veelu diomndaŋ o pɛl tasoo niŋ te o yeema pɛ. Te o chii pɛ, veelu diomndaŋ le nyuna pɛl koŋ mi la yaasiaa muli ndɔɔ latulu. La nua bolii Baabui chɔɔlu nyuna koŋ tɛɛsiaa ve. Chɔm ndu mɛɛ num kei kpɛkileŋ o muli koŋ bɛŋgu o yau numndo niŋ yɛ.
La yaasiaa pɛl diiŋ ndɔɔ kɛ o laŋ niŋ, nyuna wana chiɛiyo mbo kindiŋ le mulioo a mɛɛ o bii ndu bila yɛ.
Mel ndu balikaa mi la kɛɛsiaa le hunɔɔ siouvo buŋgɛi nya kandu ve yaasiaa.
Te o bɛnda pɛ, chɔm ndu vidueiyo hoo o jw.org. Suɛi nduɛi lebolle aa, Vɛɛ Naŋ Pɛɛku yɛ Baabuiyo a Waŋnda?

Kindiŋ Ma Tosa hei o Paŋgei Hei Niŋ,

Piɛi o Chɛhowa lo mbo dɔu sɛmbɛ numndo sala le ma kandu pɛɛku Baabui sɛnɛiyo—Fil. 2:13.
Kindiŋ ma soliŋ kpeku a Yɛɛ Kpeekpei Baabuiyo Pɛɛku Yɛ?, ma chɔm mɛɛ naŋ tosa pɛɛku Baabuiyo yɛ te koŋ te, o yɔŋ bɛɛ le pilɛ kpe, a chɔm waŋnda vidueiyo hoo o wali pollo niŋ. Vɛɛ Naŋ Pɛɛku yɛ Baabuiyo a Waŋnda?