Hiouwɔɔ Lachioo Tosaa o Wali Pollo Niŋ—Yau Pɛɛku Baabuiyo Yɔŋgoo o Wali Pollo Niŋ

Le Yɛɛ Hei Bɛnda Yɛ? Yau Pɛɛku Baabuiyo cho nyɛ wali kpeekpeiyo ni o kɔfu nyɛm waliŋ naŋ pɛɛku waŋnda woŋ niŋ. Kɛ a koŋ kpou, tuupa miŋ soliŋ ndu kpeku le waŋndo pɛɛkoo, ŋ nɔ fɛŋ miŋ ke ndu waŋndo. Lelaŋ, naa kpou nɔ miŋ kindiŋ le yau Pɛɛku Baabuiyo yɔŋgoo nyɛkɛndɛi o wali pollo niŋ. (Pulɔ. 22:29) Nɛila yɛ yɛlaŋ la cho tau, kɛ wanaa dimiaa yooŋgu kɛndiaa soliŋ o bɛnda le nda wo kpeku.

Vɛɛ Ŋ Tosa yɛ Hei?

Soliŋ kpeku a nyuna pilaŋ wana chiɛiyo kɔllo wo ma chɔm ndu buŋgɛi kpeekpei soo a nyuna koŋ okɔɔ wo o yauwo niŋ. Naapum a soliŋ kpeku a nyunaa opilɛ o nyunala tasela cho o suɛi lebol buŋgɛi kɛ kɛ kandɔŋndo wo. Te a tuei pɛ mɛɛ wana chiɛiyo cho muli yɛ, nuel ndu bolle Baabuile muli nyuna koŋ ndo okoŋ, a chɔm ndu pɛl tɛɛsiaa a suɛi keŋ okɔɔ wo. Naapum la yaasiaa ndu chobe latulu.
Nɛi cheleŋ ŋ soliŋ vɛlɛ kpeku wo cho ni, wana chiɛiyo chɔmndo pei tasei o yauwo niŋ le mi yeemɛi bii ndu. Okoŋ, chɔm ndu naa yauwo yɔŋgu muli Baabuiyo wa. Le tamaseliiyo, a dimul ndu a kpundɛ yɔŋnuŋ waalioo ma wa suɛi a ndu okɔɔ o alaadioo choo wo. Tɛɛsial ndu maa wanaa bɔɔbɔɔ cho buulaŋndo le mulilaŋ sɔlaa le nyunala cho o peele 3 choo wo. Te koŋ te, a dimi maa I cho chaaŋaa niaa yilɔɔ le nda chɔmndo mɛɛ chila kɛndɛlaŋ la wa niŋ yɛ. Okoŋ, chɔm fotueilaŋ o pei 4-5, ma nyuna ndu aa, “O mɛɛlaŋndaŋ tɛɛŋ, o suu kuɛɛ ŋ yeema yɛ ma che o peelɔŋndo?” Nɛi cheleŋ cho vɛlɛ ni, a dimi naa, I fuuluu naŋ chobe le waŋnda malaa ma saaluŋ mulilaŋ le nyunala sɔvɛlaŋ o yoomoo niŋ. Okoŋ, chɔm wana chiɛiyo nyunalaŋ o peele 6 amatou, nduyɛ ma nyuna le o hiou ndu hɛnaŋndo.
Soliŋ kpeku a nɛi ŋ kandu pɛɛku Baabuiyo tosaa o foofo wo. Naapum a dimi aa, “Ŋ cho chaaŋaa naa chɔmndo yau mala wana le Baabuiyo pɛɛkoo wo. A che niŋ ndu paandu? [Chum mbo muli.] Te a nɔ pɛ teleŋ pɔmbɔ, I yeema num chɔmndo mɛɛ naŋ soliŋ ndu kpeku a Baabui numndo yɛ.”

Kindiŋ Ma Tosa Hei o Paŋgei Hei Niŋ.

La pɛɛku le hei tosaa teleŋ nya cho wa pɛɛku nya leyuŋgoo wo.
Te la wa pɛ o wali pollo niŋ, chɔm wanaa dimiaa yooŋgu kɛndiaa cheleŋ nyɛ ŋ tuu le dimioo wo. (Pulɔ. 27:17) Siŋga nyɛ ŋ tuu le kɔlaŋ dimioo wo te o bɛnda a bahawɛi ŋ komal wana chiɛiyo wo le.