Kɔfu Nyɛm Waliŋ Naŋ Pɛɛku Waŋnda Woŋ
1. Vɛɛ Kilisiɔŋaa dimi yooŋgu kɛndɔɔ wa cho yɛ maa wanaa sial nyɔɔŋ a laba wa?
1 Wanaa sial nyɔɔŋ a laba wa soliŋ nyɛm waliŋ yɛ yiɔɔŋ kpeku. Nyɛm walloŋ ŋpum ŋ yeemaŋ le walta teŋgeŋndaŋ lapum tosaa a teleŋndaŋ lapum. Ŋpum yɛ, a soliŋ muŋ kpeku teleŋ o teleŋ. Wanaa chaa nyɔɔŋ siɔlɔɔ a laba chaa bɛndoo wa kɛsi nyɛm wali nda soliŋ kpeku lɔɔlɔɔ woŋ o kɔfu nda nyɛm walloŋ niŋ. Nduyɛ muŋ nda chaa kpeku soliŋ nyɛkɛndɛi ni. Baabuiyo dɛɛniaa Kilisiɔŋnɔ kɛ kɛ le yooŋgu kɛndɔɔ dimioo nduyɛ mbo wa “wana wallo o siɔmbula bii a wali ndɔɔ le wo.” (2 Timo. 2:15) Nyɛ wali sɔvɛ kuɛɛ naŋ nɔ yɛ o kɔfu naa nyɛm walloŋ niŋ? Ndu cho Diom Mɛlɛkaa ni—nyɛ wali kpeekpei naŋ soliŋ kpeku le miŋ “siiŋguu waŋnda buɛiya” wo ni. (Maa. 28:19, 20) Lelaŋ, ŋ kindiŋ miŋ soliŋ Diom Mɛlɛkaa kpeku nyɛkɛndɛi le waa “wana wallo o tosa wali ndɔɔ nyɛ kɛndɛ sakpo o diom tonyaa hivioo niŋ waŋnda o lani wo.” O wa bɛɛ lende, ŋ nɔ nyɛm waliŋ cheleŋ ŋ naŋ soliŋ kpeku lɔɔlɔɔ woŋ o kɔfu nyɛm waliŋ naŋ pɛɛku waŋnda woŋ niŋ. Kilisiɔŋnɔ kɛ kɛ nɔ mbo pɛɛku le muŋ chaa kpeku soliŋ nyɛkɛndɛi le waŋnda tonyaa pɛɛkoo.—Pulɔ. 22:29.
2. Ɔɔ nyɛm waliŋ pɛɛkaa kpeekpei naŋ nɔ le waŋnda pɛɛkoo woŋ?
2 Nyɛm Waliŋ Kpeekpei Naŋ Pɛɛku Waŋnda Woŋ. O fulawɔ o Baabuiyo kɔɔli, nyɛm waliŋ cheleŋ kuɛɛ naŋ soliŋ yɛ vɛlɛ kpeku? Nyɛ wali Kpeekpei naŋ nɔ le tonya cho o Baabuiyo niŋndo waŋnda pɛɛkoo wo cho Yɛɛ Kpeekpei Baabuiyo Pɛɛku Yɛ? ni. Te ŋ chii pɛ waŋndo pɛɛku o yauwo hoo niŋ, ŋ soliŋ “Lo o Kaala Mɛlɛka Wo Bɛŋgu” kpeku le ndu pɛɛkoo mbo tol silala Baabuiyo kɔɔli o yoomu ndɔɔ niŋ lɔɔlɔɔ fee. Lelaŋ, ŋ nɔ miŋ chaa yaula tiɔɔŋ ndaŋ soliŋ kpeku nyɛkɛndɛi. Kɔfu nyɛm waliŋ naŋ pɛɛku waŋnda woŋ nɔ vɛlɛ yaula cheleŋ leniŋ. Yooŋgu Kɛndɛ Chɛŋ O Mɛlɛka Lo Wo! cho vɛlɛ nyɛm walloŋ o pilɛ le pɛɛkula Baabuilaŋ kandɔɔ. Te wanaa chiee diomndaŋ veelu le wa cho pɛ o tanda naa niŋ ɔɔ wanaa dimi suɛi maŋgalɛi cheleŋnde wa miŋ nɔ yaula ndalaŋ o ba la bɔɔ le ɔɔ miŋ nɔ laŋ kposoŋ te, ŋ soliŋ yaulaŋ ndaŋ kpeku. Yaŋ Mɛlɛka Nilaŋ ɔɔ Yaŋ Mɛlɛka Nilaŋ Ma Wa Achal Lefafɛɛŋ. Le wanaa naŋ cho pɛɛkoo wa kɔɔna Chɛhowaa chɔmndo, yau kpeekpei naŋ pɛɛku leniŋ a nda wo cho ni, Nɛɛ Waa Cho Yɛ Hau Hɛnaŋ Jɛhowaa Tosaa? Vidueila mala naa le waŋnda siiŋguu wo buɛiya wa la cho. Laŋ la cho ni, Le Yɛɛ Ŋ Pɛɛku yɛ Baabuiyo? Yɛɛ Naŋ Tosa yɛ o Toŋgo Naa leMasaa Niŋ?, a hoo o puuluei niŋ aa, Does God Have a Name? (Dieu a-t-il un nom?). Ŋ nɔ miŋ pɛɛku nyɛm walloŋ muŋ kpou le miŋ chaa muŋ kpeku soliŋ nyɛkɛndɛi.
3. O chilaŋ niŋ, yɛɛ Yau Wali Naa leMasaa cho wa hunɔɔ wo cho yɛ naa mala miŋ tosa?
3 O chilaŋ niŋ, Yau Wali Naa leMasaa cho wa hunɔɔ a sɔɔŋ mala niŋ naa miŋ simnuŋ wanaa chaa yaula kpeekpeila naŋ pɛɛku waŋnda laŋ kpeku soliŋ nyɛkɛndɛi. Yaulaŋ ndaŋ la cho wa o kɔfu nyɛm waliŋ naŋ pɛɛku waŋnda woŋ niŋ. Te ŋ kindiŋ pɛ miŋ chaa nyɛm walloŋ muŋ kpeku soliŋ nyɛkɛndɛi, mɛɛ ŋ cho wa sila iMɛlɛkayaa hoo tolɔɔ kɔɔli. Ndu cho ni, “Manda num pila nyɛ kɛndɛ kɛndɛ, ma mandaŋ a nyɛ ŋ cho waŋnda pɛɛkoo wo. Hiou lachi a sɔɔŋ muŋ tosaa. Kani fuule, te a tosa lende pɛ, mɛɛ a cho num pila piŋi a wanaa cho num nilaŋ yaŋɔɔ va.”—1 Timo. 4:16.