Wanaa Naŋ Veelu Wa Achaa Hunɔɔ Dimullo

A Fuoo 23, naapum wanaa naŋ veelu wa cho hunɔɔ o Loonuŋyaa le miiliɔŋndaŋ 12 ɔɔ mbo hiou bɛɛ lende. Nuawɔ se suɛi kɛndɛ bɛndu le ma huŋ tuei mɛɛ wana cho suɛi yɔŋgu wo tɛɛsiaa niŋ ke sala soliaŋ Chɛhowa ke naa wo nduyɛ a salala cho wa le waŋchieeya o chilaŋ niŋndaŋ latiŋ! (Ai 11:​6-9; 35:​5, 6; 65:​21-23; Chɔŋ 3:​16) Kɛ o wa bɛɛ lende, o cho ko wana cho suɛi yɔŋgu wo le cho tosa mi waŋnda haa tuei a salalaŋ ndaŋ okɔɔ o bɔŋaŋ teŋgeŋndo hoo choo le. Naa kpou sɔɔŋguu a kɔllo kpou le wanaa naŋ veelu wa achaa hunɔɔ dimullo. (Luom 15:​7) Nuawɔ kɛɛsiaala laŋ latiŋ mɛɛ naŋ tosa hei yɛ.

• O wa ko kɔlaŋ o fondaŋ num chalaa ma chal chumndo le mi bɔŋaŋndo kanduŋ te kɛ, dimul wanaa naŋ veelu wa a wanaa vi ŋdial o Chɛhowa piɛiyo niŋnda achaa hunɔɔ a kɔllo wuye wuye

• Mi che bɛɛ a cho wa tofaa le chaaŋaa numaa ŋ veelu wa, kɛ kɔllo wa num vɛlɛ o wanaa cheleŋaa hiŋ le mɛɛ nda sɔla yau veelaa yɛ. Dimul wanaa sɛnɛiyaa hiŋ nda mi la chal latulu nduyɛ, mi la soliŋ Baabui numndo a yau num ŋchondoo kpeku

• Te bɔŋaŋndo chuu pɛ, yɔŋguŋ le nyunala ndalaŋ mulioo. Te teleŋ ve le nduyɛ mi kunda cheleŋ wa hunɔɔ bɔŋaŋndo biyɔɔ o Toŋgo pilɛ koŋ niŋ pɛ, tosa kɛɛsiaa le ma komal wana koŋ o palɛi biŋgi bɛŋgu. Te a sina fondaŋ o cho wo le ɔɔ ma nɔ foŋ nimbolo ndɔ le, a dimi naa aa, “I yeema mi sina mɛɛ ŋ yiyaŋ a bɔŋaŋndo hoo yɛ. Vɛɛ ya looku yɛ num saalɔŋ miŋ suukaŋ?”