YƆŊGUŊ O WALI POLLO NIŊ
Hiouwɔɔ Lachioo Tosaa O Wali Pollo Niŋ—Numpila Bɛɛndiaa Nyɛ Ŋ Tuu le Dimioo le Bandu Mɛŋgɛlaa a “Tiondoo!” Yɔŋgoo Wo
LE YƐƐ HEI BƐNDA YƐ? Mi che bɛɛ a saaluŋ nyɛ ŋ nɔ le tosaa wo o yau wali bɔŋaŋndo niŋ, tamaseliiyo koni la cho ni le naa malaa. Dimi ndu mɛɛ o cho o poonyiaa yɛ le. A bɛɛndiaa nɛi cheleŋ ŋ cho lakɔ isɔɔ wo ɔɔ suɛi lebolii cheleŋ ŋ yiyaŋ maa i pilaŋ waŋnda kɔltaŋ o tanda numndo niŋnde. Te a veelu pɛ diomndaŋ o Bandu Mɛŋgɛlaa niŋ a “Tiondoo!”, ma yaasiaa nyɛ ŋ nɔ le tosaa wo, nduyɛ ma tofa tuulalaŋ o vidueiyo niŋ, a soliŋ kɛɛsiaalaŋ ndaŋ kpeku le ma bɛɛndiaa nyɛ numpila tuu le dimioo wo.
VƐƐ Ŋ TOSA YƐ HEI?
Nyunaŋ aa, ‘Baa I soliŋ nyɛ ŋ nɔ le tosaa wo kpeku?’
EI
Bɛɛndiaa diomnda ŋ nɔ le suɛi kandɔɔ laŋ. Te a chii dɔɔ wana chiɛiyo yilɔɔ pɛ, chɔm ndu chobe le sabu ŋ kuɛ o ndu lo wo. (Le tamaseliiyo, “I hiŋ o numndo kanifuule . . . ”)
A nɔ ma sina teleŋ ŋ cho nyuna wo, diomndaŋ veelu o Baabuiyo niŋndo, a nyɛ ŋ cho yɔŋgu wo. (Le tamaseliiyo, le diomndaŋ veeloo o Baabuiyo niŋ, a dimi naa aa, “A saaluŋ muli nyuna koŋ o Baabuiyo niŋ naŋ.”)
Ɛ Ɛ
Hɛli suɛi lebolle o Bandu Mɛŋgɛlaa ɔɔ “Tiondoo!” niŋ i pilaŋ num kɔllo ve vɛlɛ a wanaa cho o tanda numndo niŋnda
Kɛɛsiaa le nyuna ŋ cho waŋndo mbo yiyaŋ tuupa mbo muli wo. O wa nyuna kialu suukaŋndo wo le kɛ nyuna tosa mi la hiou lachi a suukaŋndo wo. (Le tamaseliiyo, nyunala cho o peele 2 choo o Bandu Mɛŋgɛlaa a “Tiondoo!” niŋndaŋ.)
Hɛli bolle Baabuile ŋ cho diomndaŋ veelu leŋ. (Te “Tiondoo!” ŋ cho yɔŋgoo ni, a veelu diomndaŋ o bolle Baabuileŋ niŋ te a yeema pɛ. Kanifuule, yauwo hoo toosiaŋ le wanaa nɔ kɔl kalu bɔɔ a Baabuiyo okɔɔ le wa nduyɛ apum laalaŋ pɛɛŋ o suɛi le kaŋ niŋ te.
Chɔm wana chiɛiyo o nɛi biŋgi niŋ mɛɛ o sɔla tɔnɔɔ o buŋgɛi keŋ niŋ yɛ.
TE O BƐNDA PƐ
Bɛɛndiaa nyuna ŋ cho ndu mel ma huŋ muli teleŋ ŋ cho miiŋgu wo
Poonyiaa nyɛ mala num ma loonuŋ nyɛ ŋ tuu le dimioo teleŋ cheleŋndo