Hiouwɔɔ Lachioo Tosaa o Wali Pollo​—Niŋ Dɛɛniaa Wanaa Chɔm Yeemɛiya le Kɔlaŋ o Bɔŋaŋndaŋ

LE YƐƐ HEI BƐNDA YƐ: Bɔŋaŋnda naalaŋ la mala naa lɔɔlɔɔ le ‘chondoŋ solioo o Chɛhowa lo’ vɛlɛ a ‘ndu saŋgalaa.’ (Sam 149:1) O bɔŋaŋndaŋ, miŋ sɔla pɛɛkoo le hɛnaŋ Chɛhowaa tosaa. (Sam 143:10) Mi wanaa chɔm yeemɛiya a wanaa naŋ pɛɛku Baabuiyo wa tosa hiouwɔɔ lachioo tau te a kandu pɛ kɔlaŋ o bɔŋaŋndaŋ.

VƐƐ Ŋ TOSA YƐ HEI:

• Keleŋa waŋndo dimul le kɔlaŋ o bɔŋaŋnda naalaŋ. A nɔ ma chum le ma kandu fɛŋ pɛɛku Baabuiyo a ndu le.​—Sɔɔŋ 22:17

• Tɛɛsial wana chɔm yeemɛiyo nyɛ naŋ tosa o bɔŋaŋnda naalaŋndo, nduyɛ ma chɔm ndu nyɛ naŋ cho pɛɛku o bɔŋaŋ cho hunɔɔ wo. Sɔɔŋ cho muŋ lebɛŋgu woŋ mala num o nɛiyo hoo niŋ: yau veelaa bɔŋaŋndo, vidueiyo hoo, Yɛɛ Naŋ Tosa yɛ o Toŋgo Naa leMasaa Niŋ?, a buŋgɛi 5 a 7 ve o yauwo hoo niŋ, Hɛnaŋ Chɛhowaa

• Yɔŋgu malaa. Baa wana chɔm koŋ yeemɛiyo yeema pa malaa a nyɛ nyaanaŋndo le kɔlaŋ o bɔŋaŋndaŋ ɔɔ le ndu chɔmndo nyɛla bɛnda le wounɔŋndo laŋ? Chal ndu ikɛi o bɔŋaŋndo, mi la wa yaula numndaŋ nuaa latulu. Chɔm ndu wanaa cheleŋnda