Mala Wanaa Ŋ Cho Baabuiyo Pɛɛkoo Wa le Ma Kandu Kɔlaŋ o Bɔŋaŋndaŋ

Bɔŋaŋnda leKilisiɔŋndaŋ la cho suɛi sɔvɛi ipilɛ o piɛile tonyaleŋ niŋ. (Sam 22:​22) Mi wanaa chuuŋgiaŋ le Chɛhowa piɛiyo wa sɔla kɔl kɛndɔɔ, nduyɛ mbo dɔu nda sala. (Sam 65:​4) Mi wanaa cho Baabuiyo pɛɛkoo wa keleŋa hiouwɔɔ lachioo tosa, te a wa pɛ kɔlaŋ o bɔŋaŋndaŋ lɔɔlɔɔ.

Vɛɛ ŋ mala yɛ wanaa ŋ cho Baabuiyo pɛɛkoo wa le ma  kandu kɔlaŋ o bɔŋaŋndaŋ? Lambaŋ nda veeloo le ma kandu kɔlaŋ. Chɔm nda vidueiyo hoo, Yɛɛ Naŋ Tosa yɛ o Toŋgo Naa leMasaa Niŋ? Tɛɛsial nda tɔnɔla naŋ sɔla o bɔŋaŋndaŋ ndo. (lff suɛi lebolii 10) A tɛɛsial nda vɛlɛ suɛi kulii ŋ pɛɛku niŋ o bɔŋaŋndo ve. A dimul nda nyɛ nya cho pɛɛku o bɔŋaŋ cho hunɔɔ o lɔɔ tɛɛŋndo niŋndo. Ke wanaa numaa pɛɛkaa yaula nya soliŋ kpeku o bɔŋaŋndo laŋ. Ke wanaa ŋ cho pɛɛkoo wa mala nda yeema wo. Naapum a yeema dɔɔ malaa le kɔlaŋ o bɔŋaŋndaŋ. Te a dɔu pɛ sɛmbɔɔ le wana num pɛɛkaa malaa, koŋ cho tosa mbo sɔla tɔnɔɔ tau te o kuɛ pɛ o bɔŋaŋndo le teleŋ tasoo.—1Kɔ 14:​24, 25.

LA TOFA VIDUEIYO HOO, MALA WANAA Ŋ CHO BAABUIYO PƐƐKOO WA LE MA KANDU KƆLAŊ O BƆŊAŊNDAŊ, OKOŊ MI LA MULI NYUNALAŊ NDAŊ:

• 

  Nɛi kuɛɛ Nita ndoo soliŋ yɛ kpeku le Ched veeloo o bɔŋaŋ leKilisiɔŋndo?

• 

  Le yɛɛ naŋ wa yɛ a kɔl kɛndɛ te wanaa naŋ cho Baabuiyo pɛɛkoo wa kandu pɛ kɔlaŋ o bɔŋaŋndaŋ?

• 

  Yɛɛ Ched saaluŋ yɛ mɛɛ o kuɛ o bɔŋaŋndo le teleŋ tasoo?