Mala Wanaa Ŋ Cho Baabuiyo Pɛɛkoo Wa le Ma Fafaŋ Chaŋyaŋ Wɔɔŋndoŋ

Le mi wanaa naŋ cho Baabuiyo pɛɛkoo wa nɔ chaŋyɛi kpɛɛluŋnde a Chɛhowa, a nɔ ma hɛli chaŋyaŋ kɛndɔŋ. (Sam 15:​1, 4) Chaŋyaŋ kɛndɔŋ tiuba miŋ mala nda le ma tosa sɔɔŋ kɛndɔŋ. —Pulɔ 13:​20; lff suɛi lebolii 48.

Chɔm wanaa ŋ cho Baabuiyo pɛɛkoo wa nyiɛɛye te a wa nda pɛ malaa le ma fafaŋ chaŋyaŋ wɔɔŋndoŋ. Naapum i cho wa ikala le ma pɛŋgi holiaŋndo a chaŋyaŋ ndaa nɔ o chieeŋndo niŋndoŋ. Lelaŋ, chɔm yeemɛi o nda niŋ mbo ve bɛɛ o palɛi nyɛi pɛɛkɛi choo le. A yɔŋ nda yooŋgoo, ma veelu nda o foŋndo choo, ɔɔ ma kuɛ nda yilɔɔ le teleŋ biŋgi. Mɛɛ nda tosa hiouwɔɔ lachioo fau, a veelu nda le ma chua teleŋndo a puaapiliaa vɛlɛ a ndepiliaa latulu. Koŋ cho nda mala ma che kpendekele maa, tɔnɔ nda cho niŋ sɔlaa wo hiou a nyɛm nda mɛi kɔɔli woŋ. (Mak 10:​29, 30) Num bɛɛ cho wa a kɔl kɛndɛ te a wa pɛ chɔɔ mɛɛ yuŋgu Chɛhowaa cho hiouwɔɔ lachi a kuiyo yɛ.

LA TOFA VIDUEIYO HOO, MALA WANAA Ŋ CHO BAABUIYO PƐƐKOO WA LE MA FAFAŊ CHAŊYAŊ WƆƆŊNDOŊ, OKOŊ MI LA MULI NYUNALAŊ NDAŊ:

• Yɛɛ cho yɛ chaŋyaŋ wɔɔŋndoŋ?—1Kɔ 15:​33

• Vɛɛ Ched wa yɛ yiyaŋndo mɛɛ chuuŋgiaŋndo a puaapiliaa vɛlɛ a ndepiliaa le yelelaŋndo wa niŋ yɛ?

• Vɛɛ Nita mala yɛ Ched le chaŋyaŋ kɛndɔŋ saalɔŋndo?