A Cho Pa Yaula Ŋ Kua o JW.ORG Wo Soliŋndo Kpeku Nyɛkɛndɛi?

Mɛɛ teleŋ nyɛpalaa bɛndoo cho niŋ kpɛɛluŋ yɛ, wali naa dimiaa yooŋgu kɛndɔɔ nɔ mbo dimiŋ chɔ chɔ. (Pulɔ 24:​11, 12, 20) Le waŋnda malaa, ŋ soliŋ yaula ŋ kua o jw.org wo kpeku le nda chɔmndo nyɛ cho o Diom Mɛlɛkaa niŋndo vɛlɛ a tɛɛŋgii nɛi. Yauwo hoo nɔ kɔfu yaa num o vidueiyo hoo wo, Vɛɛ Naŋ Pɛɛku yɛ Baabuiyo a Waŋnda? vɛlɛ a nyunaa le chɔɔloo sinaa a sɔɔŋ okɔɔ ɔɔ le pɛɛku Baabuiyo. Waŋnda apum chɛl yaula naalaŋ te kɛ a yeema le tofaa o tɛɛŋgii nɛi. Kiisaŋ kposoŋ le nda yauwo hoo kioo le. Kɛ o wa bɛɛ lende, mel wanaa chɔm iyeema le wa yauwo hoo le.

O walta numndaŋ tosaa niŋ, naapum a chua waŋndo yeemɛi te a dimi pɛ aa: “I nɔ nyɛ nduyɛ I yeema mi ke num ndu. Yauwo hoo yaa num o tɛɛŋgii ŋ yɔŋgu nyɛ o nyɛ le wo vɛlɛ a vidueilaŋ a sɔɔŋ yɛ yiɔɔŋ okɔɔ.” (Chɔŋ 4:​7) Yaulaŋ ndaŋ la cho yaula bɛndu le. Lelaŋ, kɛsiŋ latiŋ o ba lɔɔlɔɔ le teleŋ ŋ cha wanaa chɔm yeemɛiya le ma ke nda.