La Buulaŋ le Nyɛ o Nyɛ Le

O Suɛi o yɔŋgu o Pembei choo ve, mi Chiisu dimi aa, “La buulaŋ le nyɛ nya dia a nyɛ nya kol mi la wa yoomu wo le.” (Mat 6:​25) Le mɛɛ naŋ cho wanaa lahakiaa o chieeŋ Setanaa hoo niŋ yɛ, teleŋndaŋ lapum miŋ buulaŋ. Kɛ nyɛ Chiisu pɛɛku tol kɔɔliaa nduaa wo mala naa miŋ mal buulaŋndo. (Sam 13:​2) Le yɛɛ? Kanifuule buulaŋ kala kalaa hiŋ naa hɔlla, taama taama le nyɛm naŋ hau ba woŋ, nduyɛ mi hei wa i kala le miŋ landuŋ ndɔ fɛlɛŋ kɔl le mi Mɛlɛka wa naa choo Masaa. (Mat 6:​33) Nyɛ Chiisu hiou lachi a dimioo wo mala naa miŋ pɛŋgi buulaŋ fondoo le nyɛ o nyɛ.

• Mat 6:​26—Yɛɛ naŋ pɛɛku yɛ te ŋ mɛɛndaŋ pɛ youwa? (w16.07 11 ¶11-13)

• Mat 6:​27—Le yɛɛ buulaŋ kala kalaa tɛɛmbuu yɛ teleŋ naa a yoomuma naŋ? (w05-E 11/1 22 ¶5)

• Mat 6:​28-30—Yɛɛ naŋ pɛɛku yɛ a pɔmbiaŋ yondoo niŋ okɔɔ? (w16.07 12-13 ¶15-16)

• Mat 6:​31, 32—O nɛila kuɛɛ niŋ Kilisiɔŋnda cho yɛ teŋgeŋ a waŋnda o chieeŋndo niŋ? (w16.07 13 ¶17)

A yɛɛ okɔɔ ya nɔ yɛ mi pɛŋgi buulaŋndo?