Tosa Ma Sɔla Tɔnɔɔ o Pɛɛku Num iPilayaa Niŋ

LE YƐƐ HEI BƐNDA YƐ: Pɛɛkɔŋ ipilayaa o Diom Mɛlɛkaa niŋ mala naa miŋ “sina pɛŋgu mɛɛ o nɔ buoo tau yɛ, lende o bandu, lende o hel, nduyɛ, lende o yiŋgila” ni. (Ɛfi 3:​18) O mala naa vɛlɛ tɔɔyaŋ wana o wana ve naa choo le, nduyɛ mi kɔlta naalaŋ la wa la diandaa walaŋ o chieeŋ wɔɔŋndo hoo niŋ. Nduyɛ miŋ tosa hei “sanaa le nda yooŋgu ke nda yoomoo wo kioo.” (Fil 2:​15, 16) Pɛɛkɔŋ ipilayaa o Diom Mɛlɛkaa niŋ mala naa miŋ hɛli nyɛm naŋ yeema woŋ. Yɛɛ naŋ tosa yɛ le miŋ sɔla tɔnɔɔ te ŋ wa pɛ diomndaŋ veeloo o Diom Mɛlɛkaa niŋ nduyɛ a ndu pɛɛkoo?

VƐƐ Ŋ TOSA YƐ HEI?

• Kei kpɛkileŋ o bolii Baabuiye nduyɛ ma poonyiaa sɔɔŋ kulloŋ o Baabui ŋ pɛɛku wo niŋ, o wa o yau choo ɔɔ o nyɛ num mapuuloo niŋ

• Nyunaŋ numpila nyunalaŋ ndaŋ te a wa pɛ Diom Mɛlɛkaa pɛɛkoo aa, ‘Nɛɛnɛ? Yɛɛnɛ? Teleŋ kuɛɛ? Kuɛɛnɛ? Le yɛɛ? Vɛɛnɛ?’

• Sina nyɛ yɔŋnuŋndo. Soliŋ nyɛm waliŋ yaasiaa ŋsɔɔ naŋ nɔ wo, nduyɛ ma yaasiaa sɔɔŋ lebolloŋ ɔɔ bolii Baabuiye

• Wa yiyaŋndo o nyɛ ŋ veelu diomndaŋ ndo choo le sinaa mɛɛ nyɛ ŋ pɛɛku koŋndo piiliaŋ num yɛ

• Soliŋ nyɛ ŋ pɛɛku wo kpeku lepaa o lepaa o yoomu numndo niŋ.—Luk 6:​47, 48.

TOFA VIDUEIYO HOO KƐSI KƆLLO—O PƐƐKƆŊ IPALAYA NƆ FULAMAKƆƆLI KƐNDƆƆ WO CHOO, OKOŊ MI LA MULI NYUNALAŊ NDAŊ:

• Vɛɛ waŋnda apum tɛɛsiaa yɛ pɛɛkɔŋ ipilayaa?

• Le yɛɛ naŋ nɔ yɛ miŋ kandu pɛɛku naa ipilaya kɛ kɛ a piɛileŋ?

• Yɛɛ mala yɛ naa miŋ bii nyɛ naŋ pɛɛku o Baabuiyo niŋndo bila nyɛkɛndɛi?

• Taamaseliila kuɛɛ naŋ nɔ yɛ miŋ wou o Baabui naŋ tosa pɛɛkɔŋ ipilayaa wo niŋ?

• Le yɛɛ yiyaŋndo o nyɛ naŋ pɛɛku wo choo cho yɛ suɛi sɔvɛ te ŋ wa pɛ Diom Mɛlɛkaa pɛɛkoo?

• Yɛɛ naŋ nɔ yɛ miŋ tosa a nyɛ naŋ pɛɛku wo?