Yɛɛ Cho yɛ Pɛɛku Baabuiyo?

Seiyaa Chɛhowaa pɛɛku waŋnda Baabuiyo le nyunala bɔɔ bɔɔ mulioo. La pum la cho ni,

• Nɛɛ cho yɛ Mɛlɛka?

• Baa Mɛlɛka buulaŋ pa kpeekpei a ya?

• Vɛɛ ya tosa yɛ mi nɔ nuu wa a kɔl kɛndɛ?

• Vɛɛ ya saaluŋ yɛ nyaaloo o yoomoo niŋ?

Mulilaŋ la cho lebɛŋgu le nyunala waŋnda nyuna a pɛɛku naa Baabuiyo okɔɔ laŋ.

Vɛɛ pɛɛkoo hoo tosaŋ yɛ? Ŋ chua pɛ suɛi lebolle ipilɛ, le tamaseliiyo mɛɛ “Mɛlɛka” ɔɔ “Nɔɔ” cho naa yɛ, ŋ yaasiaa bolii Baabui soo a suɛi keŋ okɔɔ ve. Te ŋ yaasiaa pɛ bolii Baabui teŋgeŋnde hei, ŋ che dɔɔ mɛɛ Baabuiyo dimi a suɛi keŋ okɔɔ yɛ. O hei niŋ, ŋ mal Baabuiyo o soo le ndu pila.

Le waŋnda Baabuiyo pɛɛkoo nyɛkɛndɛi, ŋ soliŋ yauwo hoo kpeku Yɛɛ kpeekpei Baabuiyo Pɛɛku Yɛ? Yauwo hoo soo a sɔɔŋ siaama okɔɔ, kɛ o muŋ tɛɛŋ, o chɔm nyɛ kpeekpei Baabuiyo pɛɛku a Mɛlɛka, Chiisu, vɛlɛ a siɔdii naa lachioo okɔɔ wo.

Vɛɛ wana paawa yɛ le pɛɛku Baabuiyo hoo? A paawa nyɛ o nyɛ le. Nduyɛ, a kilul num baa le yau nya cho pɛɛkoo wo le.

ɛɛ kpɛ pɛɛkoo hoo o viau yɛ? Wanaa bɔɔ kɛsi hawɛiyo o pilɛ o lɔɔ bɛŋgu le Baabuiyo pɛɛkoo a naa. Kɛ ŋ siŋga teleŋ pɛɛkaa a mɛɛ ŋ nɔ teleŋndo yɛ.

Yɛɛ yɔŋnuŋ yɛ te I nyuna pɛ le pɛɛku baabuiyo? Te a nyuna pɛ le pɛɛku Baabuiyo, Sei Chɛhowaa o pilɛ cho num komal a teleŋ bɛnda a numndo. O cho chua chemchemma pɔmbɔ le num chɔmndo mɛɛ pɛɛkoo nɔ mbo kuɛ yɛ. Te a yeema pɛ, o wa hunɔɔ o numndo mi la wa pɛɛkoo.

Te I chɛl pɛ le Baabuiyo pɛɛkoo a nya, baa mɛɛ mi ya bɛɛ simnuŋ Sei Chɛhowaa? Ɛ, ɛ. Seiyaa Chɛhowaa kaala waŋnda pɛɛkoo a Baabuiyo okɔɔ. Kɛ, ŋ beŋ wana o wana le luɛiyɔɔ o kaŋnde naaleŋ niŋ te. Nyɛ naŋ tosa wo cho ni, nyɛ Baabuiyo pɛɛku wo naŋ chɔm waŋnda ni a lebɛɛ. Kanifuule, ŋ sina maa wana o wana nɔ di le laalaŋndo o nyɛ o yeema wo niŋ.—Pitɛ Tasoo 3:16.