Mɛɛ Naŋ Soliŋ Vidueila cho a Pɛɛku Baabuiyo Okɔɔ Laŋ Kpeku Yɛ

Ŋ nɔ vidueilaŋ la yaa a pɛɛku Baabuiyo okɔɔ la naŋ soliŋ kpeku o wali pollo niŋndaŋ. Le sabu yɛɛ o kɛ kɛ toosiaŋ yɛ?

• 

  Le Yɛɛ Naŋ Pɛɛku yɛ Baabuiyo?—Kpou o toosiaŋ le mi waŋnda nɔ yeemɛi o Baabuiyo niŋ o yɔŋ bɛɛ ma fula o piɛiyii cheleŋnde niŋ. Mbo dɛɛniaa wanaa tofa ndu wa, le yaasiaa tosaa o Baabuiyo niŋ, le mulilaŋ a nyunala sɔvɛla cho a yoomoo okɔɔ laŋ. Nduyɛ o chɔm mɛɛ Baabuiyo muli nyunalaŋ lapum nyɛkɛndɛi yɛ. O tɛɛsiaa vɛlɛ mɛɛ wana nyuna le pɛɛku Baabuiyo yɛ.

• 

  Vɛɛ Naŋ Pɛɛku yɛ Baabuiyo a Waŋnda? o toosiaŋ le waŋnda yeemɛi chuaa le pɛɛku Baabui nda paawa nyɛ o nyɛ le wo vɛlɛ a le ma sɔla mulioo a nyunalaŋ lapum a pɛɛku Baabuiyo okɔɔ. Nduyɛ o chɔm mɛɛ wana nyuna le pɛɛku Baabuiyo yɛ.

• 

  

  A Chaa Hunɔɔ le Pɛɛku Baabuiyo Numndo o toosiaŋ le miŋ chɔm ndu wanaa naŋ cho Baabuiyo pɛɛkoo wa. Mi che bɛɛ a soo a vidueiyo hoo okɔɔ o peele diiŋ ndɔleŋ o yau Tuei Yoomoo Yeela Lefafɛɛŋ! niŋ, kɛ te la wa pɛ yaasiaa buluchiɔɔ hoo Tuei Yoomoo Yeela Lefafɛɛŋ! a nɔla ma chɔm ndu vɛlɛ vidueiyo hoo. Vidueiyo hoo soo a sɔɔŋ cho o yauwo hoo niŋndoŋ nduyɛ, mbo mala wana cho Baabuiyo pɛɛkoo wo le mbo sina mɛɛ pɛɛkoo cho tosaŋ yɛ.

Mi che bɛɛ viduei kɛ kɛ toosiaŋ le sabu teŋgeŋndo, kɛ ŋ tiuba miŋ chɔm ɔɔ miŋ yɔŋ waŋnda ndu a teleŋ kɛ kɛ o bɛnda pɛ. Wanaa dimiaa yooŋgu kɛndiaa cho a dɛɛniaa le sina vidueilaŋ ndaŋ nyɛkɛndɛi nduyɛ ma soliŋ ndaŋ kpeku o wali pollo niŋ.