Hiouwɔɔ Lachioo Tosaa O Wali Pollo Niŋ —Soliŋ Vidueilaŋ Kpeku le Waŋnda Pɛɛkoo

LE YƐƐ HEI BƐNDA YƐ?

Vidueilaŋ la pilaŋ waŋnda kɔltaŋ nduyɛ mi nyɔɔ hɛnaŋ nda te a wa pɛ chɔɔ ma wa tueiyɔɔ. Hei mala waŋnda ma kɛsi yiyaŋ nda ndalaŋ nyɛkɛndɛi nduyɛ mbo lo nda o lakɔl. Chɛhowa kɛsi tamasi kɛndɔɔ le nyɛ waŋndo wa chɔɔ wo soliŋndo kpeku le ndu pɛɛkoo.—Walta 10:​9-16; Sɔɔŋ 1:​1.

Vidueilaŋ ndaŋ, “Does God Have a Name?”, Nɛɛnɛ Poonyiaa yɛ Baabuiyo?, vɛlɛ a “How Can We Be Sure the Bible Is True?” chɔɔlu tɛɛsiaa sɔɔŋ cho o buŋgɛi 2 a 3 o yau Yooŋgu Kɛndɔɔ niŋndo. Vidueilaŋ ndaŋ, Le yɛɛ ŋ Pɛɛku yɛ Baabuiyo?, Vɛɛ Naŋ Pɛɛku yɛ Baabuiyo a Waŋnda?, vɛlɛ a Yɛɛ Naŋ Tosa yɛ o Toŋgo naa leMasaa Niŋ? dɛɛniaa waŋnda le ma pɛɛku Baabuiyo a naa latulu ɔɔ ma hiŋ o bɔŋaŋnda naala leKilisiɔŋndaŋ. Naapum ŋ soliŋ vɛlɛ vidueila cho wa fulaa o chilaŋ niŋ mi la chua tiŋ teleŋndo tau laŋ kpeku le pɛɛkula Baabuilaŋ tosaa.—km 5/13 3.

VƐƐ Ŋ TOSA YƐ HEI?

• Teleŋndo lo landaŋ ma hivi pɔɔ viduei ŋ yeema ma chɔm wana chiɛiyo wo

• Bɛɛndiaa nyunaa opilɛ ɔɔ latiɔɔŋ la vidueiyo cho muli laŋ

• La tofa vidueiyo nya ndu latulu

• La suukaŋ o sɔɔŋ kulloŋ choo

KINDIŊ MA TOSA HEI:

• Muli yaula pɔmbɔla naalaŋ opilɛ amakɔɔ, nduyɛ ma chɔm ndu kɔfu mala ndu mbo saaluŋ naa vidueiyo hoo cho wa, Le yɛɛ ŋ Pɛɛku yɛ Baabuiyo?

• Chɔm vidueiyo hoo, “How Can We Be Sure the Bible Is True?” okoŋ, yɔŋgu ndu yau Yooŋgu Kɛndɔɔ ma yaasiaa buŋgɛi 3