Yɛɛ Ŋ Pɛɛku yɛ o Chonduŋ Kpeekpeiyoŋ Niŋ?

O chonduŋ kpeekpeiyoŋ niŋ, ŋ kuɛɛ ŋ kaala yɛ tau? Le yɛɛ? A yiyaŋ pa maa mi nyɛchaa vidueiyo soo a sɔɔŋ piiliaŋ naa o yoomoo niŋ lepaa o lepaa woŋ? Le mɛɛ chondoŋ muŋ nɔ sɔɔŋ lebolluŋ yɛ yiɔɔŋ nduyɛ ma soli muŋ teŋgeŋ teŋgeŋ yɛ, wana o wana nɔ nyɛ o pɛɛku o muŋ niŋndo. O wa bɛɛ lende, chonduŋ kpeekpeiyoŋ a nyɛchaa vidueiyo cho ko le yelelaŋndo le.

Chondii kɛ kɛ nɔ sɔɔŋ sɔviɔŋ ŋ naŋ duau o wali niŋ o yoomu naa leKilisiɔŋndo a wali pollo niŋndo. Chondoŋ ŋpum soo a kɛndɛi okɔɔ, diompilɔɔ, chaŋyɛi, kɔl simulaa, kaalaa, ɔɔ tiindaŋndo. Ŋpum le miiŋgoo Chɛhowa o ibuŋ, waa wana malaa haki, loo o pimbi simiaa choo, nduyɛ a nɛilaŋ nuuviaa tau le Chɛhowa piɛiyo. Chondei cho vɛlɛ pɛɛŋ i soo a mɛɛ naŋ nɔ miŋ wa kpeŋkpeŋ le foŋndo soliŋndo kpeku yɛ. Sɔɔŋ sɔvɛ cheleŋ kuɛɛ ŋ saaluŋ yɛ o chonduŋ kpeekpeiyoŋ niŋ?

TOFA VIDUEIYO A CHONDII KPEEKPEIYE HEI OKƆƆ CHIEEŊ SƐNƐIYO CHO NIŊ KPƐƐLUŊ OKOŊ, MILA MULI NYUNALAŊ NDAŊ:

• Sala kuɛɛ o chilaŋ niŋ pɔnɔɔ a lanɔ yuuwa haa cho yɛ yiyaŋndo a ndu okɔɔ?—Chɛ 12:​3

• Vɛɛ naŋ kindi yɛ tiindaŋ naa o kpaaya Chɛhowa nɔ le mɛila ndɔlaŋ peeloo wo niŋ?

• Diompilɛ yɛɛ cho yɛ vɛlɛ hunɔɔ wa o chieeŋ sɛnɛiyo niŋ suŋ suŋ?

• Vɛɛ tiindaŋ naŋ nɔ o Masale Mɛlɛkaleŋ niŋndo mala yɛ naa le sɔɔŋ palaŋ komal naa woŋ biuwɔŋndo suŋ suŋ?—Luom 8:​25