Sim Yi Mɛɛ Mɛɛlula Chieeŋndo Hoo la Sɔɔŋguu Fau

LE YƐƐ HEI BƐNDA YƐ?: Sɔɔŋ kɔndɔfilloŋ cho suŋ kandɔɔ yɔŋnɔŋndo. A teleŋ koŋ naŋ nɔ ni miŋ nɔ kɔl simulaa, nduyɛ miŋ tiindaŋ Chɛhowa mbo hiou bɛɛ maa paandu. A teleŋ piɛiyii lachoowɛi cho sɔla tambeiyo nyɛpalaa bɛndoo cho kandɔŋ ni. (Mat 24:​21; Sɔɔŋ 17:​16, 17) A boondii kala kalɛi keŋ, ŋ cho waŋnda yooŋgu kilul niŋnda yamɛiyo dimul. (Sɔɔŋ 16:​21) Kɔki o Lɛŋnde Makɔkileŋ Niŋ cho naa chiŋalaŋ. (Isi 38:​10-12, 14-16) Kɛ Chɛhowa cho hunɔɔ a “chɔuwo” o paale ndɔ le bɛnduleŋ choo, le wanaa nduaa piŋioo. (Sɔɔŋ 16:​14, 16) Suŋ suŋ naŋ nɔ ni miŋ sim yi te tɔɔndaŋndaŋ la komal naa pɛ, le halikpeŋ miŋ nɔ kɔl simulaa le sɔɔŋ cho yɔŋnɔŋ o chilaŋ niŋndoŋ.

VƐƐ Ŋ TOSA YƐ HEI:

• Nɔ kɔl simulaa le sawala diandaala Chɛhowa laŋ tolɔɔ kɔɔli.—Ai 5:​20

• Hiou lachi a Chɛhowa piɛiyo nya chaaŋaa num aa Kilisiɔŋnda latulu.​—Hibu 10:​24, 25

• Wa o bɛɛndiaŋ le nɛi chɔmaa kɔɔna Chɛhowaa cho naa kioo wo tolɔɔ kɔɔli.​—Hibu 13:​17

• Yiyaŋ yiŋgoloŋ a mɛɛ Chɛhowa piŋi niŋ wanaa nduaa o paandoo niŋ yɛ.​—2Pitɛ 2:​9

• Piɛi o Chɛhowa lo, nduyɛ ma tiindaŋ ndu.—Sam 112:​7, 8

TOFA VIDUEIYO HOO MƐƐ MIŊ NƆ KƆL SIKPAA LE SƆƆŊ CHO NAA KOMAL O CHILAŊ NIŊNDOŊ—BUŊGƐI PƆMBƆ, OKOŊ MI LA MULI NYUNALAŊ NDAŊ:

• 

  Tofa yɛɛ wanaa dimiaa yooŋgu kɛndiaa ndaa sɔla yɛ le waa wanaa diikaŋ mɛɛ nda mɔɔsa kunda ndaa a kundala cheleŋ?

• 

  Vɛɛ diikɔŋndo mala yɛ naa miŋ nɔ kɔl simulaa?

• 

  Le yɛɛ naŋ yeema yɛ niŋ kɔl simulaa te chɔu Amakɛdɔŋ ndo hiŋ pɛ?

• 

  Bundɛi Baabui kuɛɛ mala yɛ naa le tiindaŋ naa kindioo maa Chɛhowa nɔla mbo piŋi naa?—2Ko 20:​1-24