Feleŋguaa, La Dimul Wanaa Velu Nya Wa Nyɛ o Nyɛ Cho Nya o Kɔl

Le yɛɛ o bɛnda yɛ ma dimul wanaa velu numnda nyɛ cho num o kɔllo? (Pulɔ 23:​26) Kanifuule nda Chɛhowa ke kalaŋndo ni le ma manda num. (Sam 127:​3, 4) Mi i wa ikala le nda le num malaa te a kɛɛ pɛ le nda dimullo nyɛ o nyɛ cho num o kɔl. Nduyɛ, mi keŋ tosa mi i wa ikala le ma pɛɛku nda o ba o sɔɔŋ ndaŋ yɔŋnaŋndoŋ niŋ. Baa o wɔu pɛ le sɔɔŋ pum kɛsiŋndo o kɔl? O wɔu le. Kɛ viaŋ sɔɔŋ wɔɔŋndoŋ te.—Pulɔ 3:​32.

Vɛɛ ŋ suaa yɛ o wanaa velu numnda lo? Nuuviaa teleŋ bɛnda wo le suukaŋndo a wanaa velu numnda. Te hei wa pɛ ikala le num, a poonyial opilɛ yauwo ma chɔm ndu nyɛ cho num o kɔllo. Te o yɔŋ yɛ ma yeema suukaŋndo a num o suɛi pum choo ŋ yeema kposoŋ mi la suukaŋ lechoo le wo? Loonuŋ maa a yeema kɛsɛ ma mala num. Chɔ wanaa velu numnda maa chaaŋaa num aa kɛndiaa, kɛ o cho yaamɔɔwaa num te. Sɛmbɛ ŋ cho dɔwɔɔ le wanaa velu numnda nyɛ cho num o kɔllo dimullo wo, cho num tɔnɔɔ chuu o yoomu numndo niŋ. Nduyɛ a cho hunɔɔ yoomu fafɛɛŋndo sɔla!—Pulɔ 4:​10-12.

LA TOFA VIDUEIYO HOO, O FELEŊGƆYƐI NII NIŊ—VƐƐ YA SUAA YƐ NAA WANAA VELU YA WA CHUA? OKOŊ MI LA MULI NYUNALAŊ NDAŊ:

• 

  Yɛɛnɛ Ɛsita nda Patik sina yɛ a ndapila okɔɔ?

• 

  Yɛɛ ŋ pɛɛku yɛ o tamasi Chiisu wo niŋ?

• 

  Vɛɛ wanaa velu numnda chɔm yɛ niŋ maa a buulaŋ le num?

• 

  Sawala mandaala Baabui kuɛɛ mala yɛ num le suɛi o wanaa velu numnda lo?