Simul kɛ kɛ Nɔ Mɛɛlulaŋ

Mi wa tɛtɛlɛ le mi simullo tɛɛmbuu naa kɔl, taama taama te o chua pɛ teleŋ vilɛi. Simul Deeve ndoo nɔ wo wa sɔɔŋ wɔɔŋ Masaa Sɔɔl wa ndu tosallo woŋ ni. Kɛ ndoo sina maa simullo hoo wa mɛɛlu. Nduyɛ mi ndoo simnuŋ masaa a mɛɛ Chɛhowa ndoo mɛi lediom yɛ. (1Sa 16:​13) Laalaŋ Deeve ndoo nɔ wo mala ndu ni mbo biunuŋ. Okoŋ mbo chum Chɛhowa le bahawɛi ndɔɔ solioo.

Te ŋ wa pɛ o simullo bɛŋgu, lepum miŋ yiyaŋ maa o bɛnda mi soliŋ taasi naa ɔɔ kɔl kalu naa kpeku le simul koŋ chɔulabaa. (1Sa 21:​12-14; Pulɔ 1:​4) Miŋ kindiŋ tau le sawala mandaala Baabuiyo tolɔɔ kɔɔli le simullo tiuwo ba. Kɛ mi lapum la hiou lachi kɛ a naa wa choo. O Sɔɔŋ waa naa niŋ, ŋ nɔ mi biuŋ nduyɛ miŋ chum Chɛhowa. O lo lɛ teleŋ vilɛi le mbo huŋ faŋa saŋgaa, nduyɛ mbo ‘wɔɔsuu mamɛmɛ o mamɛmɛ naa o hɔl fo.’ (Sɔɔ 21:​4) O yɔŋ bɛɛ aa Chɛhowa tosa ni miŋ tiu simullo ba, ŋ nɔ mi kɛsiŋ nyɔɔ pilɛ o kɔl. Ndu cho ni maa, simul kɛ kɛ nɔ mɛɛlulaŋ. Hei ke naa bɔɔ kɔl dɛɛniaa.

LA TOFA VIDUEIYO HOO WANAA DIOMPILIAA O CHIEEŊ PIƆUVIAŊNDO NIŊ, OKOŊ MI LA MULI NYUNALAŊ NDAŊ:

• Simulta yɛɛ Kilisiɔŋnda atiŋ o Amɛlika niŋ batouwo ndaa sɔla yɛ?

• Vɛɛ ndaa chɔm yɛ kaa biuwaŋndo vɛlɛ a kaala?

• Vɛɛ ndaa hiou yɛ lachi a ‘kɔltaŋ handɔɔ o sɔɔŋ hiou wa ŋ sɔvɛ woŋ choo’?—Flp 1:​10.