Kɔ Naa Yeemɛi Cho Tau Wa

Tiindaŋndo yeemaŋ ni le faŋaŋndo o fondaŋ ŋ sina wo, okoŋ ma kuɛ o fondaŋ ŋ sina le wo le chɔɔloo tosaa tau o wali dimiaa yooŋgu kɛndɔɔ niŋ. (Hib 11:​8-10) Suukaŋ a bɛnduaa kundaa numnda te a yeema pɛ kpeleŋndo kɛsioo le kɔlaŋ naa yeemɛi cho tau wa. Sɔɔŋ yɛɛnɛ ŋ nɔ yɛ ma tosa le fondaŋ ŋ yeema kɔlaŋ ndo hɛlioo, nduyɛ a le sinaa nyɛ sɔlaa yeemaŋ le kɔlaŋ o fondaŋ koŋ ndo? Tosa yaasiaa o yaula naalaŋ niŋ, ma che nyɛ la dimi a kɔlaŋ naa yeemɛi cho tau wa okɔɔ wo. Suukaŋ a wanaa sɔla niŋ batiuwaa o hei tosaa niŋnda. (Pulɔ 15:​22) Nyuna Chɛhowa o piɛileŋ niŋ le nɛi chɔmaa. (Che 1:​5) Nyuuniaa le sina a fondaŋ ŋ yeema kɔlaŋ ndo okɔɔ. Nduyɛ te o bɛnda pɛ, kɔ yilɔɔ o fondaŋ koŋ le palɛi itiŋ tuupa ma tosa kɛɛsiaa.

LA TOFA VIDUEIYO HOO, NƆ LAALAŊNDO LE LUƐIYƆƆ O WALI LƆƆLƆƆ MƐLƐKAA NIŊ—KƆ NAA YEEMƐI CHO TAU WA, OKOŊ MI LA MULI NYUNALAŊ NDAŊ:

• Siŋgaŋnda yɛɛ Keebilɛɛ ndoo nɔ yɛ mi ndoo tosa? Nduyɛ yɛɛ mala yɛ ndu?