Vɛɛ Ŋ Soliŋ yɛ Nyɛ Ŋ Nɔ le Dimioo Wo Kpeku?

Wallo pila puaapiliaa tosa ni le nyɛ ŋ nɔ le dimioo wo bɛɛndiaa. Wanaa dimiaa yooŋgu kɛndiaa bɔɔbɔɔ che niŋ mɛɛ hei pilaŋ waŋnda kɔltaŋ o tandala ndalaŋ niŋ yɛ. Bahawɛilaŋ la cho yɛ yɛ chieeŋndo balɔɔ silɔ. Lelaŋ, wanaa dimiaa yooŋgu kɛndiaa nɔ dioo le nɛi cheleŋ soliŋndo kpeku le baltaŋ kandɔɔ a waŋnda o wali pollo niŋ. Ɔɔ a soliŋ suɛi kulii cheleŋ kpeku i pilaŋ waŋnda kɔltaŋ o tanda ndaa niŋnde. Kɛ a koŋ kpou, wana o wana nɔ mbo tol nɛila chɔmaala yɛ yɛlaŋ kɔɔli te o hiŋ pɛ a yooŋgu kɛndɛ teŋgeŋndo dimioo okɔɔ. Mi Chiisu dimi maa yooŋgu kɛndɔɔ nɔ mbo dimiŋ a Masale Mɛlɛkaleŋ okɔɔ. Lelaŋ kpeleŋ naa cho ni, le miŋ tosa nyɛ o dimi koŋ ndo.—Mat 24:​14.

Wanaa dimiaa yooŋgu kɛndiaa nɔ ma soliŋ nyɛ ŋ nɔ le dimioo wo kpeku o yau Yoomu Naa leKilisiɔŋndo a Wali Pollo Yau Wali Bɔŋaŋndo niŋ, te a wa pɛ sɔɔŋ nda ke nda woŋ yɔŋgoo. Mɛɛ dɔɔ mi nɛi chɔmaa cheleŋ wa a hei okɔɔ. Kɛ a nɔ dioo le ma soliŋ nyuna cheleŋ kpeku, bolle Baabuileŋ, nyuna cho le lɔɔ cheleŋndo, ɔɔ nyɛ cheleŋ, o pilaŋ waŋnda kɔltaŋ o tanda ndaa niŋndo. Yɛlɛmiaa tosaŋ le nyɛ cho o peele 8 choo o yau wali bɔŋaŋndo niŋ le Kooŋndo 2020 wo cho hoo ni.