NYƐM TƆƆMAŊ O DIOM MƐLƐKAA NIŊ
Piɛile Tusiaŋ Sɔlɔmɔŋ Piɛi a Kɔllo Kpou Leŋ
Mi Sɔlɔmɔŋ piɛi a kɔllo kpou waŋnda o hɔl a teleŋ nda wa chiɛi Mɛlɛkaa kumbioo wo (1Ma 8:22; w09-E 11/15 9 ¶9-10)
Mi Sɔlɔmɔŋ saŋgala Chɛhowa, kɛ o looŋ ibuŋ le nyɛ ndoo tosa wo le (1Ma 8:23, 24)
Mi Sɔlɔmɔŋ chɔm kaa tusiaŋndo o piɛile ndɔleŋ niŋ (1Ma 8:27; w99-E 1/15 17 ¶7-8)
Sɔlɔmɔŋ kɛsi tamasi kɛndɔɔ le wanaa piɛi le waŋnda wa. O cho a mɛɛ waŋnda yiyaŋ a piɛile naaleŋ okɔɔ yɛ le naŋ handu kɔllo choo le. Kɛ a mɛɛ Chɛhowa yiyaŋ a leŋ okɔɔ yɛ.