Kpeleŋnda Kuɛɛ ŋ Kɛsi yɛ le Wɔsi Naa Wali Sɛnɛiyo?

Nyɛ o nyɛ naŋ tosa le miŋ sɔla batiuwaa o Chɛhowa piɛiyo niŋ, nduyɛ miŋ nɛŋi ndu kɔllo cho o kpeleŋnda iMɛlɛkayalaŋ tɛɛŋ. Mi la mala naa le miŋ tosa hiouwɔɔ lachioo o tonyaa niŋ. Nduyɛ salala naŋ sɔla laŋ la hiau a teleŋ naa, vɛlɛ a yoomuma naŋ soliŋ kpeku waŋ. (1Ti 4:​15) Le yɛɛ naŋ nɔ yɛ miŋ wa yiyaŋndo a kpeleŋnda naalaŋ okɔɔ teleŋ o teleŋ? Kanifuule mi sɔɔŋ siŋgaŋ o yoomoo niŋ. Kpeleŋnda naŋ kɛsi o paandoo niŋndaŋ la ve lɛ la sɔvɛ le ɔɔ le mɛɛ naŋ komaltaŋ yɛ miŋ yeema vɛlɛ la cheleŋ kɛsioo.

O wa bɔɔ suɛi kɛndɛ le miŋ yiyaŋ a kpeleŋnda naalaŋ okɔɔ tuupa mi wɔsi naa wali sɛnɛiyo kanduŋ. Baa o bɛnda mi la suukaŋ a ndi okɔɔ o pɛɛku nya leyuŋgoo le mi wana o wana ɔɔ yuŋgoo kpou kɛsi kpeleŋndaŋ te?

Kpeleŋnda kuɛɛ ŋ kɛsi yɛ o sɔɔŋ cho muŋ amatou woŋ niŋ, nduyɛ kɛɛsiaa yɛɛ ŋ tosa yɛ le laŋ komallo?